ترس ژی دبیت ئه‌گه‌ری شكه‌ستنا مرۆڤی

ترس ژی دبیت ئه‌گه‌ری شكه‌ستنا مرۆڤی

وار – دهۆک :

مه‌ترسی ل ده‌ف مرۆڤی ئه‌گه‌رێ سه‌ره‌كیێ شكه‌ستنا هزروبیرن تاكه‌كه‌سیا مرۆڤینه‌، ترس هه‌می ده‌رگه‌ها ل به‌ر دگریت و چاڤ كوره‌ دبیت و هه‌ست و ڤیانا مرۆڤی و بوچوون و كارو كریارێن مرۆڤی تێكه‌لی ئێك دبن و هندادبن وهه‌می ده‌ما هزرا شكه‌ستنێ دكه‌ت، ترسا دلی د هزرا مرۆڤی دا نڤاندیه‌ و ده‌رگه‌هێ جورئه‌تێ دئێت گرتن ونه‌شێت كاره‌چالاكیێن خو ئه‌نجام بدت چونكه‌ ترسێ ئه‌و یێ گریدای، بوچی ئه‌ڤ مه‌ترسییه‌ لده‌ف په‌یدا بوویه، به‌لكی گه‌له‌ك جاران زاروكی دڤیا خۆ نێزیك هنده‌ك تشتا بكت، لێ ئه‌و یێ هاتیه‌ ترساندن و ژێ هاتیه‌ دوورخستن، ئه‌و مه‌ره‌قا د دلێ وی دا هاتیه ‌شكاندن، و نه‌هاتیه‌‌ ئاگه‌هدار‌كرن ‌ئه‌و چییه‌، نمونه‌ك: زاروكی ده‌ما خو نیزیكی ئاگری دكه‌ت ده‌یكا وی دێ لێ كه‌ت قیری وهه‌وار و دێ بیژتێ خۆ نێزیك نه‌كه. ‌خه‌له‌تی ژ ڤێرێ ده‌ستپێكر، چونكه‌ ده‌یكا وی ئه‌و تینه‌گه‌هاند ‌ئاگر چییه و‌تو ده‌ستێ خۆ بكه‌یێ دێ ته‌ سوژت، بۆ زاروكی بوویه‌ مه‌ره‌ق و ئه‌گه‌ر ئه‌و ما بتنێ و ده‌ستێ خۆ كرێ ئه‌و هات سوتن. ژ وێری پێڤه‌ ترس یا كه‌تییه د دلێ وی دا وكارتێكرن ل وی كریه و‌هه‌تا مه‌زن بویه ‌ژی هه‌ر ‌هزرا ترسێ كه‌تیه‌ د ناخێن وی دا و خه‌ونێن وی هه‌می دهێنه ‌هه‌لاویستن ونه‌شیایه‌ چو پێنگاڤا بهاڤێژت. نه‌ئارامبون و بێزارییا وی مرۆڤی و دووركه‌فتن ژ سه‌ركه‌فتنێ وخو لبه‌رنه‌گرتنا هێزی و به‌رزه‌كرنا شیانێن خۆ هه‌می بۆ مه‌ترسیا لده‌ف مرۆڤی دزڤریت كو هزرا شكه‌ستنێ هه‌لگرتی. ئه‌گه‌ر به‌رده‌وام مرۆڤ هزرا ‌ترسێ دناڤ خودا هه‌لبگریت ئه‌و چو جاران سه‌رناكه‌ڤیت و دڤێت وێ ترسێ بهاڤێژیت و زیره‌كی و وێره‌كیێ بده‌ته‌ خۆ دابشێت سه‌ركه‌فتنێ هه‌لبژێریت، شكه‌ستن جاره‌كێ یان دووا نابت ریگر بۆ ده‌ستپێكرنه‌كا نو‌و كو دێ سه‌ركه‌فتنه‌ك ل دووڤ دا هێت.

بابه‌تێن ب ڤێ مژارێ ڤه‌ گرێدای