ترامپ: کۆریا باکۆر هندەک مۆشەکێن بچووک تێست کرن

ترامپ: کۆریا باکۆر هندەک مۆشەکێن بچووک تێست کرن

WAAR-دهۆك:

سەرۆکێ ئەمریکا داوی تێستێن مۆشەکی یێن کۆریا باکۆر ب تشتەکێ بچووک ناڤ کرن و راگەهاند، تێستان ئەو دلگران نەکرییە.
دۆنالد تڕامپ کو ب سەرەدانەکا فەرمی ل ژاپۆنێ یە، ل گەل شینزۆ ئابێ، سەرۆکوەزیرێ ژاپۆنێ کۆم بوو و پشتی کۆمبوونێ د تویتەکێ دا راگەهاند، داوی تێستێن مۆشەکی یێن کۆریا باکۆر، بۆ وی جهێ دلگرانیێ نینن، بەلکو هندەک کەس ژ ئیدارەیا وی ب وان تێستان دلگران بووینە.
ترامپی هەروەسا نڤیسی یە، کۆریا باکۆر هندەک مۆشەکێن بچووک تێست کرن کو بوونە ئەگەرێ دلگرانبوونا هندەک کەسان، لێ ئەو دلگران نەبوویە و وی باوەری هەیە کو کیم جۆنگ ئۆن، سەرۆکێ کۆریا باکۆر دێ پێگریێ ب سۆزێن خوە کەت.

بابه‌تێن ب ڤێ مژارێ ڤه‌ گرێدای