ترامپ و ماکرۆنی رەوشا سووریێ و ئیرانێ گۆتوبێژ کر

ترامپ و ماکرۆنی رەوشا سووریێ و ئیرانێ گۆتوبێژ کر

WAAR-دهۆك:

سەرۆکێ فرەنسا و ھەڤکیڤێ خوه‌ یێ ئەمریکی شڤێدی د پەیوەندییەکا تێلەفوونی دا پرسێن سووریێ و ئیرانێ باس کرن.
ئیمانوێل ماکرۆن د بەیانەکێ دا راگەھاند؛ وی شڤێدی ب رێیا تێلەفۆنی د گەل دۆنالد ترامپ ئاخفتیە و تێدا رەوشا سووریێ ب گشتی و ھەروەھا پرسا ئیرانێ و رێککەفتنا ئەتۆمی و پابه‌ندنه‌بوونا وی وەلاتی ب بنەمایێن رێککەفتنێ باس کریە.
ھەروەھا رەوشا ھەڤپەیمانییا باکۆرێ ئەتلەسی، ناتۆیێ ژی د پەیوەندییا وان دا ھاتیە باسکرن و دوپات کر کو بەرێ گۆپیتکا بھێت یا ناتۆیێ، ئەو دێ د گەل ترامپی دا کۆم بیت.
ماکرۆنی د ھەفتییا بۆری دا رەخنەیێن دژوار ل ناتۆیێ و رۆلێ ئەمریکا وەک سه‌ركرده‌یا وێ ھەڤپەیمانیێ گرتن و دیاركر، ئەو بابەت دێ د گۆپیتکا لەندەنێ دا ھێن گۆتوبێژکرن.

بابه‌تێن ب ڤێ مژارێ ڤه‌ گرێدای