ترامپ: لێبوورین ل بکڕێن په‌ترۆلا ئیرانێ نامینیت

ترامپ: لێبوورین ل بکڕێن په‌ترۆلا ئیرانێ نامینیت

WAAR-دهۆك:

سه‌رۆكێ ئه‌مریكا لێبوورینا ل سه‌ر كرینا په‌ترۆلا ئیرانێ نوو ناكه‌ت و بهایێن په‌ترۆلێ ب رێژه‌یا 2% بلند بوو.
كۆچكا سپی د به‌یانه‌كێ دا ئاشكه‌را كر: دۆنالد ترامپی د چوارچۆڤه‌یێ سیاسه‌تا رووبرووبوونا زێده‌گاڤییێن ئیرانێ دا بریاردا بریارا لێبوورینا هنده‌ك وه‌لاتان ژ كرینا په‌ترۆلا ئیرانێ نه‌هێته‌ نووكرن و ئه‌و بریار دێ دویێ مه‌ها بهێت كه‌ڤیته‌ د بیاڤێ بجهئینانێ دا، عه‌ره‌بستانا سعوودییێ و ئیماراتێ ژی سۆزدا یه‌ ئه‌و پێدڤییا بازاری ب په‌ترۆلێ پر بكه‌ن.
وه‌زیرێ ده‌رڤه‌ یێ ئه‌مریكا مایك پۆمپێیۆی ژی د كۆنگره‌كێ رۆژنامه‌ڤانی دا راگه‌هاند: په‌ترۆل 80% یا داهاتێ ئیرانێ پێك دئینیت و رژێما وێ وی داهاتی د پشته‌ڤانیكرنا چالاكییێن تیرۆریستی دا بكار دئینیت، ئه‌و سزا دێ وێ رژێمێ ژ وی داهاتی بێبه‌هر كه‌ت.
پۆمپێیۆی گۆت ژی: ئه‌مریكا نه‌ ل دژی گه‌لێن ئیرانێ یه‌ و ئه‌و سزا ژی تنێ بۆ گهۆرنا ره‌فتارێن رژێما وێ یه‌، وان سزایان شیانێن ئیرانێ یا دروستكرنا كێشه‌یان بۆ وه‌لاتێن ده‌ڤه‌رێ كێم كرییه‌.
وێ بریارا سه‌رۆكێ ئه‌مریكا كارتێكرنه‌كا بله‌ز كره‌ سه‌ر بهایێن به‌رمێلا په‌ترۆلێ و ب رێژه‌یا 2% بلند بوو.

بابه‌تێن ب ڤێ مژارێ ڤه‌ گرێدای