ترامپ بەردەوامییا پشتەڤانیێ بۆ ھەڤپەیمانییا ئەرەبی دوپاتکر

ترامپ بەردەوامییا پشتەڤانیێ بۆ ھەڤپەیمانییا ئەرەبی دوپاتکر

WAAR-دهۆك:

سەرۆکێ ئەمریکا بەردەوامییا پشتەڤانییا وەلاتێ خوە بۆ ھەڤپەیمانییا ئەرەبی د شەرێ یەمەنی دا دوپات کر.
دۆنالد ترامپ نامەیەک ل دۆر سوپایێ ئەمریکا ل وەلاتێن دەرڤە بۆ کۆنگرێسی ھنارت و تێدا راگەھاندییە؛ ئەرکێ سەربازێن وان ل رۆژھەلاتا ناڤین شەرێ رووبروو نینە، لێ تنێ ھاریکاریێن لۆجستی و پشتەڤانیێ یه‌ بۆ ھێزێن وان وەلاتان دیار دکەن د شەرێ دژی گرۆپێ چەکدار یێ حۆسییان دا ل یەمەنێ.
ھەروەھا تێدا دوپات ژی کرییە کو سەربازێن ئەمریکی ل یەمەنێ رووبروو شەرێ دژی حۆسییان ناکەن، ژبەرکو ل گۆری قانوونا دەستھەلاتا شەری یا سالا ھزار و نەھسەد و حەفتێ و سێ یێ، سەرۆکی ماف نینە بێی رازیبوونا کۆنگرێسی سوپایێ وەلاتێ خوە ھنێریت شەرێن دەرەکی.
پێشتر چەندین جاران ھەردو جڤاتێن نوونەر و پیرێن ئەمریکا پرۆژەبریار بۆ راگرتنا پشکدارییا ئەمریکا د شەرێ یەمەنێ دا پەسەند کرینە، لێ ترامپ ئه‌و بریاره‌ ڤیتۆ كرینه‌.

بابه‌تێن ب ڤێ مژارێ ڤه‌ گرێدای