ترامپ: ئیران گه‌له‌ك كارێن خراب دكه‌ت

ترامپ: ئیران گه‌له‌ك كارێن خراب دكه‌ت

WAAR-دهۆك:

سه‌رۆكێ ئه‌مریكا ئه‌ڤرۆ ئاماژه‌ دا زێده‌كرنا پیتاندنا یورانیومی ژ ئالیێ ئیرانێ ڤه‌ و گۆت: ئیران گه‌له‌ك كارێن خراب دكه‌ت.
دۆنالد ترامپی ئه‌ڤرۆ راگه‌هاند، ئیران گه‌له‌ك كارێن خراب دكه‌ت، رێككه‌فتنا ئه‌تۆمی یا ئیدارا ئۆبامای ل گه‌ل ئیرانێ كری مه‌ژی هشكی بوو و خرابترین رێكه‌فتنه‌ ژبه‌ركو مافێ ئۆتۆماتیكی یێ هه‌بوونا چه‌كێ ئه‌تۆمی پشتی ده‌مه‌كی دده‌ته‌ ته‌هران، لێ د ده‌مه‌كێ كورت دا ده‌مێ وێ رێككه‌فتن دێ بسه‌رڤه‌چیت.
ترامپی دوپات كر كو ئه‌و ناهێلن ئیرانێ چ جار چه‌كێ ئه‌تۆمی هه‌بیت و ئه‌و مژاره‌كا گه‌له‌ك گرنگه‌ ل ده‌ڤ وی.
به‌ری ساله‌كێ ئه‌مریكا تاكئالی خوه‌ ژ رێككه‌فتنا ئه‌تۆمی یا ل گه‌ل ئیرانێ ڤه‌كێشا بوو لێ وه‌لاتێن ئه‌ورۆپی و رۆسیا و چین د رێككه‌فتنێ دا ماینه‌ن، نها ته‌هران گڤاشان ل ئه‌ورۆپا دكه‌ت كو هاریكاریا وێ د سڤككرنا سزایان دا بكه‌ت.

بابه‌تێن ب ڤێ مژارێ ڤه‌ گرێدای