ترامپ: ئه‌ز دشێم بێ كۆنگرێس ئه‌مریكا ژ ناتۆ ڤه‌كێشم

ترامپ: ئه‌ز دشێم بێ كۆنگرێس ئه‌مریكا ژ ناتۆ ڤه‌كێشم

WAAR-دهۆك:

سه‌رۆكێ ئه‌مریكا ئه‌ڤرۆ ل برۆكسل راگه‌هاند، ئه‌و دشێت بێ وه‌رگرتنا رازه‌مه‌ندییا كۆنگرێسی، ئه‌مریكا ژ هه‌ڤپه‌یمانیا ناتۆ ڤه‌كێشیت لێ ئه‌و یه‌ك پێدڤی نینه‌.
دۆنالد ترامپ، پشتی كۆمبوونا رۆژا دویێ یا گۆپیتكا ناتۆیێ ل برۆكسل گۆت: وی شیان هه‌نه‌ بێ وه‌رگرتنا رازه‌مه‌ندیا كۆنگرێسی، ئه‌مریكا ژ ناتۆیێ ڤه‌كێشیت، لێ پێدڤی ناكه‌ت و نها ناتۆ ژ به‌ری دو رۆژان بهێزتره‌ و پێگیریا بهێز یا ئه‌مریكا ب وێ هه‌ڤپه‌یمانیێ دێ مینیت.
ترامپ خویا كر، هه‌ڤپه‌یمانان خواستا خوه‌ بۆ زێده‌كرنا مه‌زاختنێن خوه‌ د ناتۆیێ دا برێژا پتری دو سه‌دێ ژ به‌رهه‌مێ ناڤخۆ دیار كرییه‌ و ئه‌و زێده‌كرن هاریكاریا رۆسیا ناكه‌ت، ئه‌و دێ گه‌له‌ك دلگران بیت گه‌ر وه‌لاتێن ئه‌ندام ل گۆری وێ رێژێ مه‌زاختنان زێده‌ نه‌كه‌ن.
هه‌روه‌سا ناڤهاتی دیار كر، ئه‌مریكا پتر پاره‌ی ل ناتۆ دمه‌زێخیت لێ مفایێ وێ بۆ وه‌لاتێن ئه‌ورۆپی پتره‌، ئه‌لمانیا ل ده‌مێن بهێت دێ پاره‌كێ پتر بۆ ناتۆ ته‌رخان كه‌ت، وی رێزه‌كا مه‌زن بۆ وی وه‌لاتی هه‌یه‌ و بابێ وی ژ بنه‌ره‌ت ژ ئه‌لمانیا یه لێ وی ب رۆنی مژارا وه‌رگرتنا غازا رۆسی ژ ئالیێ ئه‌لمانیا ڤه‌ به‌حس كر.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.