ترامپی داخواز ژ رەشپیستان کر دەنگێ خوە بدەنە وی

ترامپی داخواز ژ رەشپیستان کر دەنگێ خوە بدەنە وی

WAAR-دهۆك:

سەرۆکێ ئەمریکا داخواز ژ وه‌لاتییێن ئەمریکا یێن ب رەگەز ئەفریقی کر د ھەلبژارتنێن سالا بھێت دا دەنگێ خوە بدەنە وی.
دۆنالد ترامپ، سەرۆکێ ئەمریکا شڤێدی د خرڤەبوونەکا جامەوەری دا ل باژارێ ئەتلانتا د چارچووڤه‌یا بانگەشەیا ھەلبژارتنێن سەرۆکاتییێ دا ل ژێر درووشمێ دەنگێن رەشپیستان بۆ ترامپی، گۆت: نابیت ئەمریکییێن ب رەگەز ئەفریقی دوبارە باوەرییا خوە ب پارتییا دیمۆکراتان بینن، ژ بەر کو ئەو پارتییە وەکی ھەر جار تنێ د دەما ھەلبژارتنان دا دێ د گەل وان دا بیت و پشتی ھەلبژارتنان ژبیر کەت.
ھەروەھا گۆت: نابیت ئەو خەلکە د ھەلبژارتنێن سەرۆکاتییێ دا دەنگی خوە بدەنە دیمۆکراتان و پێدڤییە دەنگێن وان بۆ پارتییا کۆماری بن.
پرانیا ئەمریکیێن ب رەگەز ئەفریقی پشتەڤان و ئالیگرێن دیمۆکراتانە و د ھەلبژارتنێن بووری یێن سەرۆکاتیا ئەمریکا دا، تنێ ھەشت ژ سەدێ یا وی خەلکێ دەنگێ خوە دابو دۆنالد ترامپی.

بابه‌تێن ب ڤێ مژارێ ڤه‌ گرێدای