ترامپی ئێخستنا فرۆکەیەکا ئیرانی یا چاڤدێریێ راگەھاند

ترامپی ئێخستنا فرۆکەیەکا ئیرانی یا چاڤدێریێ راگەھاند

WAAR-دهۆك:

ئەمریکا ئێخستنا فرۆکەیەکا چاڤدێریێ یا ئیرانێ ل تەنگئاڤا ھورمزێ راگەھاند و ئیران ژی د بێژیت، وان چ زانیاری ل سەر کەفتنا فرۆکێ نینن.
دۆنالد ترامپ شڤێدی ل کۆچکا سپی راگەھاند؛ فرۆکەیەکا ئیرانی یا چاڤدێریێ ل تەنگئاڤا ھورمزێ گەف ل کەشتیەکا وان یا سەربازی کرن و پشتی چەندین ھوشداریان، کەشتیا وان نەچار بوو ئەو فرۆکە ئێخست.
ترامپی داخواز ژ ھەموو وەلاتان کر وی کارێ ئیرانێ شەرمزار بکەن داکو سلامەتیا کەشتیێن وان بھێتە پاراستن.
ژ ئالیێ خوە ڤە ژی موحەمەد جەواد زەریف، وەزیرێ دەرڤە یێ ئیرانێ ل نەتەوەیێن ئێکگرتی گۆت: وان چ زانیاری ل سەر ئێخستنا فرۆکەیا چاڤدێریێ ژ ئالیێ ئەمریکا ڤە نینن.

بابه‌تێن ب ڤێ مژارێ ڤه‌ گرێدای