تایبه‌ت بۆ‌ كوڕان.. هونه‌رێ ئاوایێ ئاخڤتنێ دگه‌ل كچان

تایبه‌ت بۆ‌ كوڕان.. هونه‌رێ ئاوایێ ئاخڤتنێ دگه‌ل كچان

Capture

وار – دهۆک :

جاد جۆنز ڕاهێنه‌رێ كه‌نه‌دی یێ بوارێ په‌یوه‌ندییا ڤیان و حه‌زژێكرنێ و ژڤانێن ئه‌ڤینداریێ، د كۆرسه‌كێ تایبه‌تێ خوه‌ دا بۆ فێرخوازێن خوه‌ باس ل‌ چاوانییا راوه‌ستیان و ئاخڤتنێ دگه‌ل كچان دكه‌ت، ئانكو ده‌ما كوڕه‌ك دخوازیت بچیته‌ لده‌ف وێ كچا خوه‌شتڤییا وى، دێ چاوا ل همبه‌رى وێ راوه‌ستیت و دێ ب چو ئاوایه‌كى د گه‌ل وێ دا ئاخڤیت.
ل ده‌مێ ئاخڤتنێ د گه‌ل كچان دا، باشتره‌ كوڕ ل ره‌خێ ده‌ستێ راستێ یێ وان كچان رووننه‌ خوار یان راوه‌ستن، ژبه‌ركو ب وى ئاواى دێ ئاخڤتنێن كوڕان كاریگه‌رییا زێده‌تر لسه‌ر كچان هه‌بیت و دێ ده‌لیڤه‌یا باشتر هه‌بیت بۆ سه‌ركه‌ڤتنێ د وى ژڤانى دا و بالكێشییا وێ كچا د گه‌ل دا ژڤان هه‌ى. ئاخڤتن ژ ره‌خێ راستێ د گه‌ل كچان دا، دبیته‌ سه‌ده‌ما وێ ئێكێ كو ژ ئالیێ سۆزداریێ ڤه‌ زێده‌تر بلڤى، ئه‌ڤه‌ ژى ژبه‌ر وێ ئێكێ كو پشكا هه‌ست و سۆزداریێ دكه‌ڤیته‌ ره‌خێ راستیێ یێ مێشكى و ره‌خێ چه‌پێ ژى به‌رپرسه‌ ژ لۆژیك و هزركرنێ.
هه‌روه‌سا ل ده‌مێ ئاخڤتنێ د گه‌ل كچێ دا، هه‌كه‌ر وێ سه‌رێ چه‌ماند و ته‌ماشه‌ى خوارێ كر، ئه‌ڤه‌ مانایا وێ ئێكێه‌ كو ئاخڤتنێن ته‌ كاریگه‌رى لسه‌ر وێ هه‌بووینه‌ و هه‌سته‌ك بۆ وێ ل همبه‌رى ته‌ چێبوویه‌، لێ هه‌كه‌ر وێ سه‌رێ خوه‌ بلند كر و ته‌ماشه‌ى ئه‌سمانى كر، ئه‌ڤه‌ وێ ئێكێ دگه‌هینیت كو ئه‌و هزر ل تشته‌كى دكه‌ت و وێ گومان هه‌یه‌.
ئه‌و خالێن كو ل سه‌رێ سه‌باره‌ت ب ژڤانێ د ناڤبه‌را كچ و كوڕان دا هاتینه‌ باسكرن، كو تایبه‌تن بۆ كوڕان، د ژڤانێن دگه‌ل خوه‌شتڤیێن خوه‌ دا لبه‌ر چاڤ وه‌ربگرن، گه‌له‌ك گرنگن كو هه‌ر كوڕه‌كێ چاڤ ب كچه‌كێ دكه‌ڤیت كو دلێ وى لسه‌ر هه‌یه‌، هزر ل وان خالان بكه‌ت و بجهـ بینت، داكو بشێت كاریگه‌رییا ئه‌رێنى لسه‌ر وێ كچێ بكه‌ت و خالێن دى ژى پێش چاڤ بینیت كا ئایا لده‌ف وێ كچێ هه‌نه‌، یان نه‌، داكو بزانیت كا وێ كچێ هه‌سته‌ك ل همبه‌رى وى هه‌یه‌ یان نه‌.

بابه‌تێن ب ڤێ مژارێ ڤه‌ گرێدای