تايكواندۆیا ئیراقێ و كوردستانێ پرۆتۆكۆله‌ك ئیمزاكرن

تايكواندۆیا ئیراقێ و كوردستانێ پرۆتۆكۆله‌ك ئیمزاكرن

وار – قه‌یس وه‌یس:

ل هه‌فتییا بۆری ئێكه‌تییا تایكۆاندۆیا ئیراقێ ل باژێرێ سلێمانیێ دگه‌ل ئێكه‌تییا تایكۆاندۆیا هه‌رێما كوردستانێ پرۆتۆكۆله‌ك لسه‌ر چه‌ند خالان ئیمزاكر ژبۆ پێشئیخستن و پووته‌دانا یارییا تایكۆاندۆیێ ل هه‌رێما كوردستانێ.
لدۆر ڤی بابه‌تی دلشاد محه‌مه‌د سكرتێرێ ئێكه‌تییا تایكۆاندۆیا هه‌رێما كوردستانی بۆ رۆژنامه‌یا وار گۆت، ل چوارشه‌مبییا بۆری ئێكه‌تییا ئیراقی یا تایكۆاندۆیێ گه‌هشتبوو سلێمانیێ ودگه‌ل ئێكه‌تییا مه‌ كۆمبوو ژبۆ دانانا پرۆتۆكۆله‌كا پێشئێخشستنا ڤێ یاریێ و دانانا نه‌شه‌یه‌كێ رێكوپێك بۆ قاره‌مان و خولێن راهێنانێ و دادڤانیێ ل هه‌رچوار پارێزگه‌هێن كوردستانێ و گۆت ژی كو ئێكه‌تییا ئیراقێ پشته‌ڤانییا خۆ یا ڤه‌كری بۆ ئێكه‌تییا كوردستانی دا دیاركرن، ژلایه‌كێ دیڤه‌ ناڤبری گۆت دكۆمبوونی دا هنده‌ك خال هاتنه‌ به‌حسكرن و دێ لنێزیك كه‌ڤنه‌ دبۆارێ بجهـ ئینانێ دا و بڤی ره‌نگی بوون، دانانا قاره‌مانیێن ئیراقی و كوردستانێ لسه‌ر ئاستێن،پشكۆژ، پێگه‌هشتی، لاوان و پێشكه‌ڤتییان، راهێنه‌ر و دادڤانان ماف هه‌یه‌ وه‌كو یاریكه‌ر پشكداربن، پارڤه‌كرنا هه‌ر مه‌زاختیه‌كێ لژنه‌یا هونه‌ری د هه‌ر قاره‌مانیێ دا پشكداربیت دگه‌ل چه‌ند خاله‌كێن دی یین گرێدای ب پێشئێخستنا ڤێ یاریێ، ژلایه‌كێ دیڤه‌ ناڤبری دیاركر كو بجهـ ئینانا پرۆتۆكۆلێ وخالێن به‌حسكری دی د ده‌مه‌كێ نێزیك دا هێته‌ بجهـ ئینان.

بابه‌تێن ب ڤێ مژارێ ڤه‌ گرێدای