تابلۆیێن شێوه‌كارێن كورد ل مالا كریستى یا جیهانى دێ هێنه‌ فرۆشتن

تابلۆیێن شێوه‌كارێن كورد ل مالا كریستى یا جیهانى دێ هێنه‌ فرۆشتن

Capture

وار – روویار :

سامى داوود ره‌خنه‌گرێ بوارێ شێوه‌كارى و رێڤه‌به‌رێ گه‌له‌رییا سه‌رده‌م ل باژێرێ سلێمانیێ راگه‌هاند كو بزاڤه‌ك هه‌یه‌ بۆ هندێ كو ژ ڤى ده‌مى پێڤه‌ تابلۆیێن شێوه‌كارێن بناڤوده‌نگێن كورد ل مالا ل سه‌رئێ كزێده‌كرنا كریستى یا جیهانى كو بناڤوده‌نگترین مالا فرۆشتنا تابلۆیێن شێوه‌‌كارى یه‌، بهێنه‌ فرۆشتن.
سامى داوود د داخۆیانییه‌كێ دا بۆ باسنیوز راگه‌هاند “ من به‌رى یا چه‌ند رۆژان ل وه‌لاتێ لوبنانێ سه‌ره‌ده‌انا مۆزه‌خانه‌ و گه‌له‌ریێن شێوه‌كارى كر و ل وێرێ من بنیاتێ په‌یوه‌ندیێن باش یێن هونه‌رى دانا كو بۆ نیاسینا هونه‌رێ شێوه‌كارى یێ كوردى بۆ ده‌رڤه‌ دێ مفایه‌كێ باش هه‌بیت”. سامى گۆتژى “د ڤێ گه‌شتێ دا ژ بلى كو گرێبه‌ست دگه‌ل گه‌له‌ریێن بناڤۆده‌نگێن ڤى وه‌لاتى هاتینه‌ گرێدان كو تابلۆیێن هونه‌رمه‌ندێن كورد ل وان گه‌له‌رییان بهێنه‌ نمایششكرن، هه‌روه‌سا ده‌نگۆباسه‌ك ژى هه‌یه‌ كو ل مالا ل سه‌ر ئێكزێده‌كرنا كریستى كو ماله‌كا زێده‌ بناڤوده‌نگه‌ بۆ فرۆشتنا تابلۆیێن هونه‌رمه‌ندێن جیهانى، ژ نها پێڤه‌ تابلۆیێن هونه‌رمه‌ندێن دیارێن كورد ل ڤێ مالێ بهێنه‌ فرۆشتن”.
جهێ ئاماژه‌پێدانێ یه‌ كو مالا كریستى كۆمپانییه‌كا بناڤوده‌نگ یا ل سه‌رئێك زێده‌كرنا جیهانى یه‌ و باره‌گایێ سه‌ره‌كى یێ وێ ل باژێرێ له‌نده‌نه‌ و چه‌ندین باره‌گایێن دى ل چه‌ند وه‌لاتان هه‌یه‌. ل 5 مه‌ها ئیلۆنا سالا 1766 جێمس كریستى دامه‌زراندییه‌. هه‌ر زوو ناڤۆده‌نگى یا جیهانى ب ده‌ستڤه‌ ئینا و ل سه‌ده‌یێن 18 و 19ێ دا بوو مه‌زنترین سه‌رئێكزێده‌كرنا جیهانى. تابلۆیێن چه‌ندین هونه‌رمه‌ندێن شێوه‌كاریێن بناڤوده‌نگ ژ وان “بابلۆ پیكاسۆ، رامبرانت، لیۆناردۆ داڤنچى، ڤان كوخ و چه‌ندین هونه‌رمه‌ندێن دى” ل ڤێ مالێ هاتینه‌ فرۆشتن.

بابه‌تێن ب ڤێ مژارێ ڤه‌ گرێدای