ب چ وژدان و لوژیك سیسته‌مێ به‌عسى وسه‌دامى باشتره‌؟

ئەحمەد جاسم

دگه‌ل بورینا 15 سالان ژ كه‌تنا سیسته‌مێ حوكمرانیا به‌عسیان ل به‌غدا و ده‌سته‌سه‌ركرنا پڕانیا سیمبولێن حوكمرانیا وان ، هنده‌ك جار ل ڤێره‌ و ل وێراهه‌ من گوهـ لێ دبیت، دبێژن سه‌دام ژ ڤان باشتربوو! مه‌ره‌ما هنده‌ك سه‌ر ئاستى حكومه‌تا ئیراقێ یه‌ و هنده‌ك سه‌ر ئاستێ هه‌ردوییان حكومه‌تا كوردى و یا به‌غدا.

وه‌كو كه‌سه‌ك ب ده‌ها دیكومنت و كتێب ل دور سه‌دامى كومكرین و هه‌رسكرین گه‌له‌ك ل ڤێ گۆتنێ دئێشم و دبینم ئه‌ڤ حه‌سره‌ته‌ ژ هندێ دهێت كو ئیراق بشێوه‌كێ گشتى ژ دادپه‌روه‌رییا جڤاكى دناڵیت له‌وا تاك یێ خوه‌زییا بو زڤڕینا تاوانبارێ تكریتێ ڕادهێلیت.
لێ دهه‌مان ده‌م دا ئه‌ز چاڤێ خوه‌ نانقینم كو ئه‌ڤ بوچونه‌ كاره‌ساته‌ د زاتێ خوه‌ دا و بێ هه‌ستیه‌ به‌رامبه‌ر ناسناما مه‌ وه‌كو كورد.

گه‌له‌ك جارا ل ده‌مێ چونا دناڤ ئاریشان دا تاكێ روژهه‌لاتى گه‌له‌ك ب هه‌ست و سوزانه‌ ڕه‌فتارێ دكه‌ت ، دێ بینن ڕه‌فتارا وى یا دویره‌ ژ هزركرنه‌كا كویر ، له‌وا ل شینا ب بابه‌تیانه‌ بهێن ل عله‌تا بگه‌ڕن و به‌دیله‌كێ باش بو ڤى سیسته‌مێ هیچ و بوچ بینن، رێكا خوه‌ ب ڤێ گوتنێ كورت دكه‌ن (سه‌دام باشتر) بوو، هه‌ر چه‌نده‌ ئه‌ز نزانم كانێ ئه‌و كه‌سێن ڤى گوتنێ دبێژن چه‌ند ل بن چه‌ترا حوكمڕانیا وى ژیاینه‌؟.

نزانم بۆ جاره‌كێ نابنه‌ ئه‌ندامێن خێزانه‌كا ئه‌نفالكرى و تامكه‌نه‌ وێ شه‌ربه‌تێ نزانم چه‌ند جار بوینه‌ زیندایێن سیاسى وكه‌تینه‌ د له‌پێن به‌عسییان دا هه‌تا ڤێ بریارێ بده‌ن ، ژبلى كومكوژى و لیدانا ب كیمیاوى.

من دڤێت بێژمه‌ وان كه‌سان جاره‌كێ خوه‌ بدانه‌ جهێ كورده‌كێ فه‌یلى و ئێك ژ بازرگانێن مه‌زن یێن به‌غداى ل شورجه‌ كاردكه‌ى ، كه‌سه‌ك ده‌رگه‌هێ ته‌ بقوتیت وبێژیته‌ته‌ یه‌لا تو وخێزانا خوه‌ ژ ئیراقێ بده‌ركه‌ڤن هه‌رنه‌ ئیرانێ و بتنێ جلكێن ل به‌ر خوه‌ ببه‌ن و بتنێ ئێك ڕیك یا هه‌ى پێ بده‌ركه‌ڤى ئه‌و ژى ڕێكا مین وته‌قه‌مه‌نییان!

ئه‌ڤه‌ بتنێ ئه‌و كاره‌ساتن یێن گرێداى كوردان ژ خوه‌ كاره‌ساتێن دیتر كێمتر نینن وه‌كو قه‌بارێ تاوانێ مینا سه‌رژێگه‌ها (هولا ئه‌لخولد – و دجێل و هشكرنا ئه‌هوار وژناڤبرنا شیوعییان و ..هتد )

ژخوه‌ ئه‌ندامێن خێزانا كورێ تكریتێ ئه‌م به‌حسناكه‌ین و ئه‌و ده‌رفه‌ته‌ نینه‌ بتنێ دێ بێژم خوه‌ بداننه‌ جهێ خێزانه‌كا به‌غدادى كچا وان چویه‌ قوتابخانێ و عوده‌یێ كورێ سه‌دامى ب ترومبێلا خوه‌ یا لامبورگینى چویه‌ به‌رسینگى و یادى هوین دزانن ؟!

ب چ وژدان و لوژیك سیسته‌مێ به‌عسى وسه‌دامى باشتره‌؟

گه‌لۆ بۆچى هنده‌ك ژ مه‌ حه‌ش زۆرداران دكه‌ن ولێ دعاشقن، خوه‌زى ئه‌ڤه‌ بۆچوونه‌كا عاتیفانه‌ بيت ژ ده‌ڤ هنده‌ك كه‌سان و نه‌ ئێشه‌ك بیت ژ به‌ركو هه‌كه‌ر ئێش بیت ئه‌ڤه‌ كاره‌ساته‌ و ئه‌ز پتر دبینم ئێشه‌ و هیڤیه‌ یێ خه‌له‌ت بم.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.