ب پشكدارییا به‌رازیلێ و ئه‌رجه‌نتینێ كۆپا ئه‌مریكا ده‌ستپێكر

ب پشكدارییا به‌رازیلێ و ئه‌رجه‌نتینێ كۆپا ئه‌مریكا ده‌ستپێكر

وار – دهۆک :

دهێته‌ چاڤه‌ڕێكرن سوبه‌هی ل ده‌مژمێر(2:30) سپێدێ جه‌ماوه‌رێ و حه‌ز ژێكه‌رێن ته‌پا پێییا ئه‌مریكا باشوور چاڤه‌رێی روودانا كۆپا ئه‌مریكا نه‌ ئه‌و دێ ب پشكدارییا(12) هه‌لبژارتیێن كێشوه‌رێ ئه‌مریكا باشوور كو هه‌ڤڕكیێن وێ دێ ل وه‌لاتێ چێلێ هێنه‌كرن، دڤه‌كرنا قاره‌مانیی داخ ودانا ئه‌ردی چێلی دێ رێو ره‌سمێن قاره‌مانیێ گێریت و یارییا خۆ یا ئێكی همبه‌ری تیما ئیكۆادۆر كه‌ت ل یاریگه‌ها سانتیاگۆ یا نشتیمانی ل پایته‌ختێ چێلی. (12) هه‌لبژارتی هاتینه‌ دابه‌شكرن لسه‌ر سێ كۆمان، سه‌ركه‌ڤتیێن ئێكێ و دووێ دێ ده‌ربازبنه‌ قۆناغا هه‌شتێ، دو باشترین تیمێن رێزا سێیێ دهێن دێ ده‌ربازبنه‌ هه‌مان قۆناغ.
– هه‌رسێ كۆم بڤی ره‌نگی نه‌.
كۆما ئێكێ: چێلی، مه‌كسیك، ئێكۆادۆر، بۆلیڤیا.
كۆما دووێ: پاراگۆای، ئه‌رجه‌نتین، جامایكا، ئۆرۆگۆای.
كۆما سێیێ: پیرۆ، به‌رازیل، فه‌نزوێلا، كۆلۆمپییا.
– یاریێن گه‌ڕا ئێكێ یێن هه‌رسێ كۆمان:-
لدیڤ سیسته‌مێ ئێكه‌تییا ئه‌مریكا باشوور(كۆنمیبۆل) دهاته‌ چاڤه‌ڕێكرن قاره‌مانی ل به‌رازیل هاتابكرن، به‌لێ ژبه‌ركو به‌رزایل رێكخستنا قاره‌مانییا كێشوه‌ران 2013ێ كربوو، دیسان مۆندیالا جیهانی 2014 و هه‌روه‌سان ئۆلۆمپییانێن ریۆدی جانیرۆ2016ێ، له‌ورا ئێكه‌تیێ بڕیاردا ئه‌ڤ قاره‌مانییا ل چێلی بهێته‌كرن و یا 2019 به‌ره‌ڤ به‌رازیل بچیت.
تێ زانین هه‌ڤڕكیێن وێ دێ هه‌تا چاری تیره‌مه‌ها بهێت به‌رده‌وامبیت، هه‌لبژارتیی ئۆرۆگۆایی خودانا مه‌زنترین ناسناڤه‌ كو شیاییه‌(15) جاران كاسا كۆپایێ ببده‌ت، دیڤدا ئه‌رجه‌نتین ب(14) ناسناڤان، به‌رازیل(8)ناسناڤان، هه‌ر ئێك ژ هه‌لبژارتیین پاراگۆای و پێرۆ دو ناسناڤ، كۆلۆمپییا و بۆلیڤییا هه‌ر ئێك ناسناڤه‌ك بده‌ستخۆڤه‌ئینایه‌.

بابه‌تێن ب ڤێ مژارێ ڤه‌ گرێدای