ب پشكداربوونا 27 گه‌نجێن كورد پێنجەمین خولا گوپیتكا ئێكه‌م جیهانا گەنج برێڤە چوو

ب پشكداربوونا 27 گه‌نجێن كورد پێنجەمین خولا گوپیتكا ئێكه‌م جیهانا گەنج برێڤە چوو

Capture

وار – دهۆک :

د چەند رۆژێن بۆرى دا، پێنجەمین خولا گوپیتكا ئیك جیهانا گەنج بڕێڤە چوو، كو لسەر ئەركێ دەزگه‌هێ روانگە 27 نوونەر ژ باژاڕێن كوردستانێ ڤه‌ پشكدارى ڤێ گوپیتكێ ببوون.
سۆفیا بەربەرانی كو رۆژنامەنڤیسه‌كا سەربخوه‌یا جیهانییە، سەبارەت ب ڤان چالاكیێن نوونەرێن كوردان د وێ هه‌لكه‌ڤتا جیهانى دا ب ڤى ئاواى نڤیسییه‌؛ د ناڤبه‌را نێزیكى 2000 نوونەران دا، 27 نوونەرێن كوردستانێ هەبوون. هەروەسا ئاماژە ب وێ ئێكێ ژى دایه‌، ئه‌ڤ گوپیتكه‌ مینبه‌ره‌كا نموونەیی بوو بۆ هۆشیاركرنا ئەو قەیرانا مرۆڤییا د كوردستانێ دا روو دده‌ت.
ئەڤ رۆژنامەنڤیسە باس ژى ژ وێ ئێكێ كرییه‌ كو شاندێ گەنجێن كوردستانێ لسەر ئەركێ دەزگه‌هێ روانگە پشكدارى ڤێ گوپیتكا ئێك جیهانا گه‌نج ببوون، هەروەسا ب دوبارە به‌رهه‌ڤبوونا وى وەكو بالیۆز، ئیدریس نێچیرڤان بارزانی، دامەزرێنەر و سەرۆكێ دەزگه‌هێ روانگە، گۆتاره‌كا گه‌له‌ك كاریگەر پیشكێشكر و رۆناهى ئێخستە لسەر بارودۆخێ ئەڤرۆیێ وه‌لاتێ خوه‌ و به‌رهه‌ڤییا وێ ئێكێ ژى نیشاندا كو دەزگه‌هێ روانگە چو جاران ژ بەخشینا هاریكارییا بۆ وان كه‌سێن كو هه‌وجه‌نه‌، سل نابیت.
هەر د وێ چالاكیێ دا، پەریخان سولێمان ئیبراهیم كو كچه‌كا ئێزدییە، باسێ وان ره‌فتارێن هۆڤانه‌ كر كو لسه‌ر ده‌ستێن چه‌كدارێن داعشێ، ل همبه‌رى ئێزدییان هاتینه‌ بكارئینان، ب تایبەتی ئه‌و كه‌سێن ل چیایێ شنگالێ هاتوونه‌ دورپێچكرن و سوپاسییا دەزگه‌هێ روانگە كر بۆ گەهاندنا هاریكارییان بۆ وان كه‌سێن لسه‌ر چیاى هاتبوونه‌ دورپێچكرن.
كۆمه‌كا لاوێن كورد ژى پشكدارى د په‌نه‌لا گرژى و ئاشتیێ دا كر، وەك (گۆرگیز ئاویا مالیل، تافین ئاكۆ تەها، ئاڤان سۆفی و كاردۆ عەلی عەباس).
سۆفیا د دووماهییا رێزێن راپۆرتا خوه‌ دا نڤیسییه‌، د وى كۆنفرانسێ چار ژوورى دا چه‌ند كه‌سه‌كێن گه‌له‌ك ب ناڤوده‌نگ ده‌ركه‌ڤتن، وه‌كو (ئەكتەر مێگرن ماركل، یاریزانێ تێنسێ بۆریس بێكەر و سۆل كامبل)، كو چوونە لسەر تەختێ شانۆیێ و چەند په‌یڤه‌ك پێشكێشى به‌رهه‌ڤبوویێن كۆنفرانسى كرن.
هەروەسا ل وێ رێوره‌سمێ دا ئالایێ كوردستانێ د ناڤ ئالایێن دى دا ژ بال ئاڤان سۆفى ڤه‌ هاته‌ بلندكرن و هه‌ژیا، ”هه‌وا هاریكارییان بۆ ئاواره‌یێن كوردستانێ” ب رێیا تۆڕێن جڤاكى ڤه‌، بوو ب هه‌وه‌كا جیهانى.

بابه‌تێن ب ڤێ مژارێ ڤه‌ گرێدای