ب پشته‌ڤانییا ئه‌مریكا یه‌په‌گه‌ یا به‌رهه‌ڤیێن هێرشا گرتنا جه‌رابلۆس دكه‌ت

ب پشته‌ڤانییا ئه‌مریكا یه‌په‌گه‌ یا به‌رهه‌ڤیێن هێرشا گرتنا جه‌رابلۆس دكه‌ت

وار – دهوك :

به‌رپرسه‌كێ كانتۆنێن رۆژئاڤایێ كوردستانێ كو ژ ئالیێ پارتییا یه‌كه‌تیا دیموكراتیك په‌یه‌دێ ڤه‌ دهێنه‌ سه‌رپه‌رشتیكرن رادگه‌هینیت؛ ل ده‌مه‌كێ نێزیك دێ هێرشێن یه‌په‌گێ ب پشته‌ڤانییا ئه‌مریكا ژ بۆ گرتنا دوماهی ده‌رگه‌هێ سنۆریێ دگه‌ل توركیا كو د ده‌ستێ داعش دایه‌، دێ ده‌ست پێ كه‌ن.
به‌رپرسێ په‌یوه‌ندیێن ده‌رڤه‌ یێن كانتۆنا كۆبانێ ئیدریس نه‌عسان بۆ رۆژنامه‌یا ئیندی پێندت یا به‌ریتانی راگه‌هاندییه‌، سیپان حه‌مو فه‌رمانده‌یێ په‌یه‌گێ دیاركرییه‌ ب هه‌ماهه‌نگی دگه‌ل ئه‌مریكا دێ ده‌رگه‌هێ سنۆریێ جه‌رابلوس رزگار كه‌ن كو نها داعش تێدایه‌.
پشتی گرتنا ده‌ریێ سنۆریێ گرێ سپی‌ ده‌رگه‌هێ سنۆریێ داعش دگه‌ل جیهانا دەرێ تەنێ‌ جه‌رابلۆسه‌، هه‌ر چه‌ند توركیا راگه‌هاندییه‌ ئه‌و رێ ناده‌ن یه‌په‌‌گە جه‌رابلوس كۆنترۆلا بكه‌ت.
لێ وه‌كو به‌رپرسێن یه‌په‌گێ و په‌یه‌دێ دده‌نه‌ زانین، ب رێیا هێزا ئاسمانی ئەمریکا دێ پشكدار بیت و ره‌نگه‌ توركیا رازی ببیت ل سه‌ر وێ هێرشێ.

بابه‌تێن ب ڤێ مژارێ ڤه‌ گرێدای