ب هه‌فت شیره‌تان خوه‌ ژ فشارا كارێ رۆژانه‌ رزگاربكه‌

ب هه‌فت شیره‌تان خوه‌ ژ فشارا كارێ رۆژانه‌ رزگاربكه‌

وار – دهۆک :

1. رۆژا خوه‌ زوو ده‌ستپێكبه‌.
گه‌له‌ك ژ كه‌سانێن تایبه‌تمه‌ند وسا هزردكن كو كلیلا سه‌ركه‌تنێ ئه‌وه‌ كو مرۆڤ زوو ده‌ست ب كارێن خوه‌ بكت، ده‌ما تو زوو دگه‌هییه‌ سه‌ر كارى دێ ته‌ ژماره‌یه‌كا كێم ژ مرۆڤان هه‌بت كو ل هیڤیا ته‌ بن، هوسا دبت كو به‌رهه‌مێ ته‌ پتر ببت و سه‌رگێژیا ته‌ ژى كێمتر ببت.
2. ئارمانجێن به‌رئاقل ده‌ینه‌ پێشیا خوه‌.
ده‌ما كو مرۆڤ ب ره‌نگه‌كێ واقعیانه‌ به‌رێ خوه‌ ددته‌ ئارمانجان، نیگه‌رانى كێمتر دبت. ئێك ژ كلیلێن فێربوونا باش ئه‌وه‌ كو مرۆڤ هزربكت كو كرنا شاشییان تشته‌كى ئاساییه‌، و باشتر ئه‌وه‌ مرۆڤ دان ب شاشییێن خوه‌ بكت و وانه‌یان ژێ وه‌ربگرت.
3. پلانه‌كێ بۆ خوه‌ ده‌ینه‌.
هه‌ر مرۆڤه‌ك ب ره‌نگه‌كێ كاردكت، لێ هه‌ر ئێك دشێت كارێن خوه‌ یێن سه‌ره‌كى ده‌ینته‌ به‌راهییێ و ل ده‌مێ پێدڤى بكت. وان تشتان بكاربینه‌ یێن هزرێن ته‌ب سانه‌هى دئێخن و رێزدكن وه‌كو رۆزنامه‌یه‌كێ و پێنووسه‌كێ ره‌ش و خشته‌یه‌كێ ده‌مى.
4. خوه‌ دووركرن ژ ئاخڤتنا زێده‌ و گازنده‌كرنێ.
ده‌ما تو خوه‌ دوورى گازنده‌كرنا به‌رده‌وام دئێخى، دبت تو پتر هایدارى گه‌له‌ك ئاڕیشه‌یان ببى، و پێدڤییه‌ ل ده‌مێن تو هه‌وجه‌ تو دگه‌ل به‌رپرسێن خوه‌ روونیه‌ خوار و به‌حسا ئارمانجێن نه‌ راسته‌قینه‌ بكى هه‌روه‌سا به‌حسا كاركرن ب عه‌داله‌تێ.
5. وه‌رگرتنا پێنڤه‌دانێ ل ده‌مێ كارى.
روونشتنا به‌رده‌واما ل سه‌ر كورسییێ نه‌ تنێ بێهنته‌نگی و سه‌رگێژییێ بۆ ته‌ په‌یدادكت، لێ پشت ئێشا دۆمدرێژ و ئێشانا چاڤان ژى ل ده‌ف ته‌ په‌یدادكت، له‌ورا پێدڤییه‌ هه‌ر نیڤ سه‌عه‌ته‌كێ تو ژ جهێ خوه‌ رابى و بێى و بچى.
6. بێنڤه‌دانه‌ك بۆ كرنا یۆگایێ:
هنده‌ك ژ ده‌مێ خوه‌ ب یۆگایێ ڤه‌ ژى ده‌ربازدكن ژبه‌ركو یۆگا هاریكاریا وێ یه‌كێ دكت كو ته‌ركیزا مرۆڤى پتر لێبئێت. ژبلى ڤێ ژى مرۆڤ پێدڤى هه‌ناسه‌كرنا رێكوپێكه‌ و جارنا گه‌ر ده‌رفه‌ت هه‌بت په‌رخاندن ژى باشه‌.
7. وه‌رگرتنا مۆله‌تان ب ره‌نگه‌كى رێكوپێك.
راسته‌ مرۆڤ پێدڤى ده‌مێن درێژه‌ ژبۆى بێنڤه‌دانێ، لێ هه‌ر چاوابت گوهۆڕین وزه‌یه‌كا نوو ددته‌ مرۆڤى و وه‌ستیان و گێژبوونێ كێمدكت.

بابه‌تێن ب ڤێ مژارێ ڤه‌ گرێدای