ب ئالایێ كوردستانێ‌ پشتگیرییا پێشمه‌رگه‌ى دكه‌ت

ب ئالایێ كوردستانێ‌ پشتگیرییا پێشمه‌رگه‌ى دكه‌ت

وار – دهۆک :

ئاكوان ئه‌میرخان قاره‌مانی كوردێ یارییا بوكسانێ‌ ئه‌وا ب MMA دهێته‌ ناسین ل دووه‌م یارییا خۆ یا ئێكێ دا و د ده‌مه‌كێ‌ كورتدا شیا لسه‌ر هه‌ڤركێ خۆ‌ ب سه‌ركه‌ڤیت.
ل یاریگه‌ها جیهانیا O2 ل به‌رلین ماكوان یاریزانێ‌ كورد د یاریا ئێكێ‌ پشتی دره‌بازبوونا ئێك خوله‌ك و 41 چركه‌یان شیا لسه‌ر یاریكه‌ر ماسیۆ فۆلن یێ‌ ب ره‌گه‌ز مه‌كسیكی سه‌ر كه‌ڤتنێ بینیت.
ماكوان د 11 یاریێن پرۆفیشینالدا ده‌هـ یاریاندا سه‌ركه‌فتنا خۆ دوماهیك ئیناینه‌، پشتی سه‌ركه‌فتنێ لسه‌ر ماسیۆى دبیته‌ دووه‌م سه‌ركه‌فتن ل ڤی خولێ‌، ماكوان دبێژیت: من بریار دایه‌ ژبه‌ر وان نه‌خوشیێن من دژیانا خۆ یا خێزانیدا دیتین، هه‌ر خه‌لاته‌كێ وه‌ربگرم دێ پێشكێشى دایكا خۆ كه‌م. ماكوان ئه‌میرخان پشتی سه‌ركه‌فتن د یارییا دوماهیێ دا ئیناى،‌ ئالای كوردستانێ‌ بلندكر ل تورێن جڤاكی ژی دا پشته‌ڤانییا خۆ پێشمه‌رگه‌ى دیار دكه‌ت.
د به‌رسڤا روژناڤانه‌كیدا كو ملله‌تێ كورد چه‌وا به‌رێ خۆ د ده‌نه‌ ئه‌نجامێن یاریاته‌ ناڤبرى د به‌رسڤا خۆدا گۆت، پێنه‌ڤێت گرنگیێ‌ ب جه‌نگێ‌ ناده‌ن به‌لكو‌ ئاهه‌نگێن سه‌ركه‌فتنێ‌ دگێرن.
تێزانین ماكوان سالا 1988 ل باژێرێ‌ كرماشانێ ل روژهه‌لاتا كوردستانێ‌ ژ دایكبوویه‌ و ژبه‌ر جه‌نگا‌ ئیراق وئیرانێ‌ دهێته‌ ڤه‌گوهاستن بو كه‌مپا رومادی پاشان ژبه‌ر خرابیا ژیارا وی به‌ره‌ڤ وه‌لاتێ فیلله‌ندا دچیت.

بابه‌تێن ب ڤێ مژارێ ڤه‌ گرێدای