بەغدا.. داعشێ ھێرشی سوپایێ ئیراقێ کر

بەغدا.. داعشێ ھێرشی سوپایێ ئیراقێ کر

WAAR-دهۆك:

ژمارەیەکا تیرۆرستێن داعشێ ل باشۆرێ بەغدا، ھێرشی سوپایێ ئیراقێ کر و ئەفسەرەک ل گەل حەفت سەربازان کوشتن و بریندارکرن.
ئەفسەرەکێ ژ پۆلیسێن بەغدا ب ناڤێ ئەحمەد خەلەف د داخۆیانییەکێ دا دیارکر: ھێزێن لیوایا پێنجی و نەھـ و بیست و دو یێن سوپایێ ئیراقێ ل دەمێ ئۆپەراسیۆنەکا پشکنینێ ل دەڤەردارییا تارمییە یا باشۆرێ ئیراقێ کر، ژمارەیەکا تیرۆرستێن داعشێ ھێرشی وان کر، ب وێ ئەگەرێ ئەفسەرەکێ سوپایێ ئیراقێ ل گەل سەربازەکی ھاتن کوشتن و شەشێن دی برینداربوون.
ئەڤ ھێرشا تیرۆرستان ل دەمەکی دھێت، کو نھا ل چەندین دەڤەرێن ئیراقێ ئۆپەراسیۆنێن سەربازی ژبۆ لێگەریانا پاشماوێن رێکخستنا تیرۆرستی یا داعشێ دھێن کرن و ب تایبەت ل پارێزگەھێن ئەنبار، دیالە و کەرکووک و نەینەوا.

بابه‌تێن ب ڤێ مژارێ ڤه‌ گرێدای