بەغدا.. دادگەھا 14 داعشیێن فرەنسی دەستپێکرییە

بەغدا.. دادگەھا 14 داعشیێن فرەنسی دەستپێکرییە

WAAR-دهۆك:

ژێدەرێن قانوونی ل بەغدا ئاشکرا کر، ئەو 14 داعشیێن فرەنسی ئه‌وێن ھەسەدێ ل مەھا بۆری رادەستی ئیراقێ کرین، دادگەھا وان دەستپێکرییە.
پارێزەرەکێ دادگەھێ دەستنیشانکری و ئەندامێ دەستەیا دادوەری ئاشکرا کر، ئەو 14 تیرۆرستێن داعشێ ل ھمبەری دادوەرێ ڤەکۆلینێ ل دادگەھا بەرھنگاربوونا تیرۆرێ ل بەغدا، رۆژا 6ی ڤێ مەھێ بەرھەڤ بووینە، وەکو گاڤا ئێکێ ژبۆ دادگەھکرنا وان.
ژیدەران ئاشکرا کر، وان تیرۆرستێن فرەنسی دانپێدان کرییە کو ژ سالا 2014ێ تا 2017ێ ل مووسلێ بوون، دەمێ ئەو باژار ل ژێر کۆنترۆلا وێ رێکخستنێ.
گۆت ژی: دەمێ دادگەھـ پێ دھێت کرن و تاوانێن ل دژی ئیراقێ و گەلێ وێ ل سەر دیار بوون، دێ سزایێ سێدارەدانێ ل سەر ھێت سەپاندن.
ژ ئالیێ خوەڤە سازیێن ئێمناھییا ئیراقێ وان 14 داعشییان ب کارێن تیرۆرستی ل مووسلێ تومەتبار دکەن، حکومەتا فرەنسا ژی رەت کر چو داخویانییان ل سەر وێ یەکێ بدەت و راگەھاندییە، ئەو کارەکێ ناڤخوە یێ ئیراقێ یە.

بابه‌تێن ب ڤێ مژارێ ڤه‌ گرێدای