بەغدا.. خوەنیشاندانان دەست پێ کرنە ڤە

بەغدا.. خوەنیشاندانان دەست پێ کرنە ڤە

WAAR-دهۆك:

خوەنیشاندانین نەرازیبوونێ ئەڤرۆ دوبارە ل بەغدا دەستپێکرن، ل گۆری داوی ئامارێن حکومەتێ ژی د خوەنیشاندانێن دوھی دا کەسەک ھاته‌ کوشتن و دوسەدێن دی ژی بریندار بوون.
ل گۆری مەدیا ئیراقی، ئەڤرۆ ل باشۆرێ بەغدایا پایتەخت ل دەڤەرا زەعفەرانییێ پشتی نڤێژا سپێدێ جارەکادی ھەژمارەکا خوەنیشاندەران دژی حکومەتێ رژیانە سەر جادەیا سەرەکییا وێ دەڤەرێ ب بەغدا ڤە گرێددەت.
ژێدەری ئاشکرا کر، خوەنیشاندەران ئەو رێیە گرت، دروشم دژی حکومەتێ بلند کرن و داخوازا باشکرنا رەوشێ کرن.
ھەڤدەم ژ ئالییێ خوە ڤە حکومەتا ئیراقێ داوای ئامارا قوربانییێن خوەنیشاندانێن دوھی یێن بەغدا و چەندین باژارێن دی بەلاڤکر و ئاشکرا کر: د خوەنیشاندانان دا کەسەک ھاته‌ کوشتن و دوسەد کەسێن دی بریندار بووینە کو چل ژوان ھێزێن ئێمناھی بوون
دوھی ب سەدان وەلاتیێن باژارێن بەغدا، بەسرا و چەندین باژارێن دی یێن ناڤەراست و باشۆرێ ئیراقێ رژیانە سەر جاددەیان و دروشمێن دژی حکومەتێ بلندکرن داخوازا باشکران رەوشی ژ ھەموو ئالییان ڤە کرن، لێ رووبروبوون د ناڤبەرا وان و ھێزێن ئێمناھی دا روودان.

بابه‌تێن ب ڤێ مژارێ ڤه‌ گرێدای