بەسرا.. 22 کارمەندێن ئێکسۆن مۆبیل ڤەگەریان

بەسرا.. 22 کارمەندێن ئێکسۆن مۆبیل ڤەگەریان

WAAR-دهۆك:

بیست و دو کارمەندێن کۆمپانییا ئێکسۆن مۆبیل یا پەترۆلێ ڤەگەریان پەترۆلگەھێن پارێزگەھا بەسرا، پشتی ل ناڤەراستا مەھا بۆری ژ بەر ئەگەرێن ئێمناھی خوە ژ وێ پارێزگەھێ ڤەکشاین.
ئاژانسا ئەنادۆل ژ زارێ بەرپرسەکێ ئیراقی ڤەگوھاستییە؛ بیست و دو کارمەند ژ کۆما ھەشتێ کارمەندێن کۆمپانییا پەترۆلێ یا ئەمریکی ئێکسۆن مۆبیل ئەوێن بەری نۆکە ژ بەر ئەگەرێن ئێماھی خوە ژ پەترۆلگەھێن پارێزگەھا بەسرا ڤەکێشاین، ڤەگەریان سەر کارێن خوە ل پەترۆلگەھا قرنە.
وی بەرپرسێ ئیراقی پێشبینی ژی کرییە ھەموو کارمەندێن مایی ل شازدەی ڤێ مەھێ ڤەگەرن سەر کارێن خوە.
ل ھەژدەی مەھا بۆری ھەشتێ کارمەندێن کۆمپانییا ئێکسۆن مۆبیل ژبەر گەفێن ڤێ داویێ یێن ئەمریکا و ئیرانێ ل ھەڤدوو، خوە ژ پەترۆلگەھێن پارێزگەھا بەسرا ڤەکێشابوون و چووبوونە ئۆفیسێن وێ کۆمپانیێ ل دوبەی.

بابه‌تێن ب ڤێ مژارێ ڤه‌ گرێدای