بەرازیل.. گوپیتکا بریکس یا ئابۆری دهێتە کرن

بەرازیل.. گوپیتکا بریکس یا ئابۆری دهێتە کرن

WAAR-دهۆك:

گوپیتکا ئابۆری یا بریکس ل بەرازیلێ دەستپێ کر و سەرۆکێ رۆسیا راگەهاند، پێدڤییە ئەندامێن بریکس دگەل هەڤدو هەڤکار بن.
گوپیتکا بریکس ل بەرازیلێ دەستپێ کرییە، سەرۆک و سەرکردەیێن رۆسیا، چین، هندستان، بەرازیل و ئەفریقیا باشۆر کو وەلاتێن ئەندامن، پشکدارن و ڤلادیمێر پۆتین، سەرۆکێ رۆسیا راگەهاند، پێدڤییە وەلاتێن ئەندامێن بریکس زێدەتر هەڤکارییا هەڤدو بکەن داکو بشێن ئابۆرێن خوە پێشڤە ببەن.
پۆتینی هەروەسا دا زانین، داکەفتنا ئابۆری ل جیهانێ و کێمبوونا هەڤکاری و هەماهەنگی و باوەریێ د ناڤبەرا وەلاتان دا، ژ ئەگەرێ سزایێن تاکئالی یێن هندەک وەلاتانە.
داخۆیانیێن پۆتینی د دەمەکی دانە کو ئەمریکا پشتی دەستبکاربوونا دۆنالد ترامپی چەندین جاران سزا ل سەر وەلاتان داناینە، پێناسەیێن گومرکی ل سەر زێدە کرینە و گەفێن زێدەکرنا پێناسەیێن گومرکی و سزایان بەردەوام ل وەلاتان دکەت.

بابه‌تێن ب ڤێ مژارێ ڤه‌ گرێدای