بەرازیل.. ب دەهان هزار کەسان خوەنیشاندان دژی سەرۆکی کرن

بەرازیل.. ب دەهان هزار کەسان خوەنیشاندان دژی سەرۆکی کرن

WAAR-دهۆك:

ب دەهان هزار قوتابی و مامۆستایان ل سەرانسەری بەرازیلێ خوەنیشاندان دژی بریارەکا سەرۆکا وەلاتی کرن و ل هندەک دەڤەران ئالۆزی د ناڤبەرا خوەنیشاندەر و پۆلیسان د روست بوون.
دوهی ل چەندین باژێڕێن بەرازیلێ ب دەهان هزار قوتابی و مامۆستایان خوەنیشاندان دژی بڕیارا جەیر بۆلسونارۆ، سەرۆکێ بەرازیلێ یا دەربارەی بڕینا ئێک پۆینت هەشتێ و پێنج ملیار دۆلاران ژ بودجەیا خواندنێ کرن و داخوازا ڤەگەڕاندنا وێ بودجێ کرن.
ل باژێڕێ ریۆ دێ جانێرۆ، تا درەنگی شەڤ ب هزاران خوەنیشاندەر مابوونە ل سەر جادەیان، خوەنیشاندەران کارێن تێکدەر کرن، ئالۆزی د ناڤبەرا وان و پۆلیسان دا دروست بوون و ژمارەکا خوەنیشاندەران هاتنە گرتن.
سەرۆکێ بەرازیلێ کو ل مەها کانوونا دویێ یا ئەڤ سالە سووندا قانوونی خوارییە، بریارا برینا بودجەیا کەرتێ خواندنێ دایە و بڕینا وێ بودجێ دێ بیتە ئەگەرێ داخستنا سیهـ ژ سەدێ یا زانکۆیێن حکوومی ل بەرازیلێ.

بابه‌تێن ب ڤێ مژارێ ڤه‌ گرێدای