بەرازیل.. ئاگرێن ئەمەزۆنێ ساو پاولۆ تاڕی کرییە

بەرازیل.. ئاگرێن ئەمەزۆنێ ساو پاولۆ تاڕی کرییە

WAAR-دهوك:

بەردەوامییا ئاگربەربوونان ل دارستانێن ئەمەزۆنێ ل بەرازیلێ بوویە ئەگەر کو باژێڕێ ساو پاولۆ ژ دووکێلێ تاڕی ببیت.
ل گۆری مەدیایا ناڤخوە یا بەرازیلێ، دوکێلا ئاگرێن دارستانێن ئەمەزۆنێ د گەل کێمبوونا پلەیێن گەرمێ و هەبوونا مژێ، باژێڕێ ساو پاولۆ تاڕی کرییە و ل وەستگەهێن میترۆیان و جهێن بنئەرد، هاتوچوو ئێکجار زەحمەتە.
دا زانین ژی، دوکێلێ هاتوچوویا فرۆکەیان ژی زەحمەت کرییە و د گەل بەردەوامییا ئاگری دا، دوکێل دچیتە باژێڕێ ساو پاولۆ و کنارێن ئۆقیانۆسێ ئەتلەنتیک.
ل گۆری سازییا نشتیمانی یا لێکۆلینێن ئەسمانی یا بەرازیلێ، ئەڤ سالە 74 هزار و 155 بۆیەرێن ئاگربەربوونێ ل بەرازیلێ هاتینە توومارکرن و ب رێژەیا 84% ژ 6 مەهێن دەستپێکێ یێن پار زێدەترە.

بابه‌تێن ب ڤێ مژارێ ڤه‌ گرێدای