بۆ ژنان ب هه‌لکەفتنا هاتنا جەژنێ “بۆیاغێن پرچێ و خەنا، ئەکزیمایێ پەیدادکەن”

بۆ ژنان ب هه‌لکەفتنا هاتنا جەژنێ “بۆیاغێن پرچێ و خەنا، ئەکزیمایێ پەیدادکەن”

وار – دهۆک :

ھژمارەیەکا مەزن ژ ئافرەتان وەک بەرھەڤییەک بۆ ھاتنا جەژنێ خوە د ھاڤێژن بکارئینانا بۆیاغێن پرچێ و خەنایێ وەک رێکەکا جوانکارییێ، بێی کو ھوشیاری مەترسییا ڤان جورە مادەیا ببن لسەر ساخلەمییا خوە.
ھەژی گۆتنێیە، ھژمارەیەکا شارەزایان د ڤی بیاڤیدا ئەو چەندە دیارکرن کو بۆیاغێن پرچێ و وێنەکێشانێن پیستی ب خەنایێ ئەگەرەکێ سەرەکییە بۆ زێدەبوونا ھژمارەیا وان کەسان یێن کو دناڵن ژ نەخوەشییێن ھەستیارییێ و ئەکزیمایا پیستی، ئەڤ چەندە ژی ھاتە روونکرن د کومبوونا سالانە یا ئێکگرتییا بریتانی یا نۆشدارێن پیستی یا کو لڤان دوماھییان ھاتە رێکخستن ل باژێرێ “مانشێستەر”ێ بریتانی.
ڤەکۆلەران ئاماژە ب وێ یەکێ دا کو بۆیاغێن پرچێ و دیسان خەنا ژی مادەیەکێ کیمیایی د پێکھاتەیا وێ دا ھەیە ب ناڤێ PPD، یا کو مرۆڤی تووشی گەلەک جورێن ھەستیارییێ دکەت. ھەژی گوتنێیە کو خوریانا پیستی ژی دەلیڤەیێن تووشبوونێ ب نەخوەشییا ئەکزیمایێ زێدەدکەت کو د ئەنجامدا برینێن پیستی و خوریان پەیدادبیت.
ھەر دیسان، بکارئینانا خەنایێ بۆ وێنەکێشانان لسەر پیستی دشێت ببیتە ئەگەرێ ھەستیارییا پیستی خۆ ئەگەر بتنێ بۆ ئێک جار ژی بێتە بکارئینان.
زاڕۆ ژی ژ مەترسییێن ڤێ مادەیێ د بێ بەھر نەبووینە، ھەر وەکی ڤەکۆلەران دیارکری کو ئەڤ مادەیێ د پێکھاتەیا خەنا و بۆیاغێن پرچێ دا ھەی دھێتە ھژمارتن ئەگەرەکێ سەرەکی بۆ ب دو جارکی زێدەبوونا رێژەیا تووشبوونان ب ھەستیارییا پیستی د ناڤا زاڕۆ و سنێلەیان دا د ساڵێن بووریدا.
ھەژی گۆتنێیە ڤەکۆلینان دیارکرییە کو مادەیێ PPD یا کو د پێکھاتەیا خەنایێ دا ھەی، ھەتا ڤی دەمی گەلەک یا بەربەلاڤە د گەلەک وەلاتێن جیھانێدا ژ وان ژی گەلەک وەلاتێن ئەرەبانە.

بابه‌تێن ب ڤێ مژارێ ڤه‌ گرێدای