بۆ ژنان… بۆ خۆ پاراستنێ ژ جەلتەیێن مێشکی رۆژانه‌ مۆزەکێ بخۆ

بۆ ژنان… بۆ خۆ پاراستنێ ژ جەلتەیێن مێشکی رۆژانه‌ مۆزەکێ بخۆ

Capture

وار- ئومێد محەمەد بناڤی :

د خواندنەکا نوو ل ویلایەتێن ئێکگرتییێن ئەمریکی؛ زانایان دیارکر کو خوارنا مۆزەکێ رۆژانە دشێت ژنێن دناڤعەمردا چووی ب پارێزیت ژ جەلتەیێن مێشکی، ئەڤ ئەنجامە ژی بۆ ئێکەم جار دھێتە بەلاڤکرن ھەژی گوتنێیە کو ھەر فێقییەکا زەنگین ب کانزایێ پۆتاسیۆمی مینا مۆزێ مەترسییا تووشبوونێ ب جەلتەیێن مێشکێ کێمدکەت ب رێژەیێن بلند.
لدووڤ ڤێ ڤەکۆلینێ؛ یا کو ل سەر 90 ھزار ژنان ھاتییە ئەنجامدان یێن کو ژییێ وان د ناڤبەرا 50 و 79 سالان دا کو رۆژانە مۆزەکێ دخۆن یان ژی ھەر فێقییەکێ دی یێ زەنگین ب پۆتاسیۆمی؛ دشێت مەترسییا تووشبوونێ ب جەلتەیێن مێشکی کێمبکەت ب رێژەیا 27%ێ.
ئەڤ ژنێن پشکدار د ڤەکۆلینێدا؛ چ نیشانێن جەلتەیێن مێشکی لدەف نەبوون ل پێشییا ئەنجامدانا ڤەکۆلینێ؛ د ماوەیێ ڤەکۆلینێدا 2611 ملیگرامێن پۆتاسیۆمێ وەردگرتن د درێژییا دەمێ دەستنیشانکریدا، د ئەنجامدا مەترسییێن تووشبوونێ ب جەلتەیێن مێشکی ب رێژەیێن باش کێمبوون د بەراوردییێدا دگەل ژنێن ھەمان ژی یێن کو مۆزان و فێقییێن زەنگین ب پۆتاسیۆمی ناخۆن.
رێکخراوا ساخلەمییا جیھانی شیرەتان ددەن بۆ ژنان ب خوارنا 3510 ملیگرامێن پۆتاسیۆمێ رۆژانە؛ لێ ل دووڤ ڤەکۆلینان دیاربوویە کو بتنێ 16.6% ژ ژنان پێگرییێ ب خوارنا ڤی بڕی ددەن ژ خوارنا کانزایێ پۆتاسیۆمی.
لێ ڤەکۆلەر وی مەرجی ددەنە خەلکی کو پێدڤییە پۆتاسیۆمێ بدەستڤە ھاتی ژ ژێدەرێن سرۆشتی بن مینا مۆزێ ژ بۆ کێمکرنا دەلیڤەیا تووشبوونێ ب جەلتەیێن مێشکی؛ لێ چێنابیت پۆتاسیۆمی ب رێیا خوونبەران یان ژی حەپکان وەربگرن ژبەرکو مەترسییێن مەزن ھەنە ل سەر ساخلەمییێ.
ھەژی گوتنێ کو ژنێن خوارنێن پڕی پۆتاسیۆمی دخۆن رێژەیا تووشبوونا وان ب جەلتەیێن مێشکی کێمترە؛ ب رەنگەکێ گشتی دناڤ جڤاکان دا ئەڤ رێژەیە نزیکی 12%یە . ژ لایەکێ دیڤە فێقییێن پری پۆتاسیۆم رێژەیا مرنا بەروەخت ل دەڤ ژنان کێمدکەت ب رێژەیا 10%ێ..

بابه‌تێن ب ڤێ مژارێ ڤه‌ گرێدای