بۆ دایكان: ب هنده‌ك پێزانینان ب زاڕۆیێ خوه‌ ئاشنابه‌

بۆ دایكان: ب هنده‌ك پێزانینان ب زاڕۆیێ خوه‌ ئاشنابه‌

وار – دهۆک :

دایك، ئه‌و كه‌سا كو به‌رى ب دونیا ئینانا زاڕۆیێ خوه‌، وى زاڕۆى 9 مه‌هان د زكێ خوه‌ دا هه‌لدگریت و ژبه‌ر وى گه‌له‌ك نه‌خوه‌شى و زه‌حمه‌تییان دكێشیت و هه‌ر ژ ده‌مێ ب دونیا هاتنا زاڕۆى، ئه‌و یا لبه‌ر ڤه‌ راوه‌ستیایه‌ و ئێدى پترییا ده‌مێن خوه‌ بۆ خودانكرن و په‌روه‌رده‌كرنا وى ته‌رخاندكه‌ت و خوه‌ گه‌له‌ك ژى ماندوو دكه‌ت، لێ د سه‌ر ڤێ ئێكێ ڕا هنده‌ك هزر و پێزانیێن وێ لسه‌ر زاڕۆیێ وێ و چاڤدانا وى، دروست نینن و ب شاشى وه‌ردگریت، هنده‌ك ژ وان تشتان ل خوارێ هاتینه‌ دیاركرن كو ب زانینا وان، ئێدى دایك دێ گه‌له‌ك پێزانینان لسه‌ر زاڕۆیێن خوه‌ زانن و ب باشى و جوانى زاڕۆیێن خوه‌ خودان و په‌روه‌رده‌كه‌ن. ئه‌و خال ژى ئه‌ڤه‌نه‌:
ــ گریا زاڕۆى ب مانایا هه‌بوونا ئازارێ نینه‌:
ب باوه‌رییا بسپۆران، دبیت گریا زاڕۆیان ژبه‌ر ره‌ق بوونا ماسولكێن وان بیت.
ــ ل هه‌مبێزكرنا زاڕۆى گه‌له‌ك پێدڤییه‌:
هه‌مبێزكرنا زاڕۆى ژ بال دایكا وێ ڤه‌ دبیته‌ سه‌ده‌ما وێ ئێكێ كو هه‌ستێ خوه‌شیێ لده‌ف زاڕۆى و نیاسینا زاڕۆى و رێزگرتنێ دده‌ته‌ زاڕۆیێ ته‌. ئه‌ڤجا ژبه‌ر ڤێ ئێكێ هه‌كه‌ر هه‌ر دایكه‌كێ بڤێت پتر چاڤێ خوه‌ بده‌ته‌ زاڕۆیێ خوه‌ و په‌یوه‌ندییه‌كا خورتتر د ناڤبه‌را وان دا هه‌بیت، بلا هندى د شیان دا بیت، زاڕۆیێ خوه‌ هه‌مبێز بكه‌ت.
ــ كلێنكس بۆ زاڕۆیێن خوه‌ بكارنه‌ئینه‌.
ــ ئارام بوونه‌ڤه‌‌ ب میۆزیكێ، ب باوه‌رییا بسپۆران میۆزیك هه‌موو ده‌روونه‌كى ئارامدكه‌ت، ئه‌ڤجا ده‌روونێ زاڕۆى ژى، ئه‌ڤجا ژبه‌ر ڤێ ئێكێ رۆژانه‌ هه‌كه‌ر ده‌لیڤه‌ هه‌بیت جاره‌كێ میۆزیكه‌كا ئارام دانه‌ سه‌ر، داكو ده‌روونێ زاڕۆیێ ته‌ و یێ ته‌ ژى ئارام بیت.
ــ هه‌تا ئه‌و ده‌مێ زاڕۆیێ ته‌ ب سه‌ر پێیان دكه‌ڤیت، پێدڤى ب پێلاڤێ نابیت، لێ وه‌كو دیار پترییا خێزانان بۆ زاڕۆیێن خوه‌ یێن هێشتا لسه‌ر چه‌نگان ژى نه‌چن، پێلاڤان دكڕن، لێ هه‌وجه‌ وێ ئێكێ ناكه‌ت.
ــ بۆ وێ ئێكێ كو زاڕۆیێ ته‌ سپێده‌یان زوو ژ خه‌و هوشیار نه‌بیت، شه‌ڤان ب دره‌نگى بنڤینه‌، داكو هوون ژى بشێن ب ئارامى بنڤن.

بابه‌تێن ب ڤێ مژارێ ڤه‌ گرێدای