بۆچی هه‌ڤژینیێ‌ زوو پیكنائینن؟

بۆچی هه‌ڤژینیێ‌ زوو پیكنائینن؟

Capture

وار – دهۆک :

1ــ (دراڤه‌)، گومان تێدا نینه‌ كو ژنئینان‌ یان شووكرنێ‌ د ژیێ‌ گونجای دا گرنگه‌، ژبه‌ركو ده‌ما مه‌زن دبن و هێشتا هه‌ڤژینى پێكنه‌ئیناین، ئه‌و ژی دبیته‌ ئاڕێشه‌، لێ‌ ترسا مالا كوڕی ژ وی تشتییه‌ كو دبیت كچ گه‌له‌ك زێر و نه‌خت و كڕینا تشتان بخوازیت و بارێ وان گرانبیت و د جڤاكێ‌ مه‌ دا دراڤ و خه‌رجیێن‌ ده‌واتێ‌ زێده‌ بوویه‌، ئه‌ڤجا دێ‌ خوه‌ گرن هه‌تا لدووڤ پێچێبوونا وان، رسق دهێت.
2ــ هه‌لبژارتن ب زه‌حمه‌ته‌ بۆ هه‌ردو لایان. دبیت گه‌له‌ك جاران ئه‌م دبینین هنده‌ك كه‌س چو ژێ‌ كێم نینه‌، به‌لكو هێشتا ئه‌و كه‌سێ‌ د خه‌یالا وان دا نه‌دیتیه‌ یان بۆ خوه‌ هه‌لنه‌بژارتیبه‌، زه‌لامی دڤێت ژنه‌كا نموونه‌ بۆ خوه‌ هه‌لبژیریت و ژن ژی ل وی زه‌لامى دگه‌ریت یێ‌ د خه‌یالا وێ‌ دا و هوسا ژیێ‌ وان دچیت و هێشتا ئه‌و خوه‌ ل هیڤیا ده‌می دگرن تا ئه‌و كه‌س بهێت و ببینن.
3ــ هیڤی و حه‌ز د هه‌بوونا خوه‌ دا. ژن گه‌له‌ك حه‌زدكه‌ت د ناڤ هه‌موو بوارێن ژیانێ‌ دا بچیته‌ خوار، ب تایبه‌تی كار بۆ ژنێ دبیته‌ پشكه‌ك ژ ژیانا وێ،‌ ژبه‌ر وان به‌رپرسایه‌تیێن پشتی هه‌ڤژینیێ دهێن و هه‌موو هیڤیێن وی ئه‌ون كو سه‌ركه‌ڤیت و هۆسا هزركرنا شووكرنێ‌ دووربیت، ژبه‌ركو هیڤیا وێ‌ كاره‌ و نه‌زیده‌تر، ئه‌ڤه‌ ژی ژیێ‌ وان درێژدكه‌ت و هنده‌ك زه‌لام ژی هه‌ر وه‌سا ب تنێ‌ دخوازن پێشكه‌ڤن و كاربكه‌ن و ل دنیایێ‌ بگه‌ڕن و هه‌ر هزرا ژیێ‌ خوه‌ ناكه‌ن.
4ــ ترس ژ به‌رپرسایه‌تیێ‌. مرۆڤ چه‌ندێ‌ به‌خته‌وه‌ر بیت، پشتی ژیانا هه‌ڤژینیێ‌ كچ و كوڕ ژ به‌رپرسایه‌تیێ‌ ترسن و دخوازن بنه‌ ئه‌كته‌ره‌ك زیره‌ك و هونه‌رێ‌ ب خودانكرن‌ و به‌رپرسایه‌تیێ‌ بزانن و بێگومان ئه‌ڤ تشته‌ هه‌ر ئه‌وه‌؛‌ هه‌موو خه‌لك و جیهان تێدا دبۆرن، هه‌ر دێ‌ بێژن بلا مه‌زنتر لێ‌ بهێن، باشتره‌، لێ‌ ئه‌و كه‌سێ‌ ژ ڤی تشتی بترسیت، هه‌ر دێ‌ یێ‌ هۆسا بیت هه‌تا مرنێ‌ و چه‌ند ئه‌ڤ ترسه‌ د ناخێ‌ وان دا هه‌بیت، بێگومان دێ‌ ژیێ‌ وان بۆریت و زوو و ل ژیه‌كێ‌ گونجای هه‌ڤژینیێ پێكنائینن.
5ــ ترس ژ ئازادیێ‌. گه‌له‌ك خه‌لك لسه‌ر هه‌ڤژینى دئاخڤن كو زیندانه‌ و یا گرێدایه‌ و مرۆڤ نه‌شێت بۆ خوه‌ چو بكه‌ت و…هتد. ئه‌و زه‌لامێ‌ ئاخڤتنا خوه‌ هه‌بیت و ئازادبیت، ترسا وی ئه‌وه‌ كو پشتی هه‌ڤژینیێ‌ ئه‌و خوه‌شی و ئازادی نه‌مینیت و ژنێ ژی هه‌ر ترسا وێ‌ ژ مالا كوڕییه‌، كا دێ‌ یا چا‌وا بیت، دێ یا ئازادبم وه‌كی نوكه‌ یان نه‌ و هوسا دی هزر بۆ چێبن و هزرا هه‌ڤژینیێ‌ دێ د مێشكێ‌ خوه‌ دا راكه‌ت.

بابه‌تێن ب ڤێ مژارێ ڤه‌ گرێدای