بۆچی دلین و ڤین ژ هه‌لبژارتیێ ئیراقێ هاتنه‌ دوورئێخستن؟

بۆچی دلین و ڤین ژ هه‌لبژارتیێ ئیراقێ هاتنه‌ دوورئێخستن؟

وار – دهۆک :

ئێكه‌تییا شه‌تره‌نجا ئیراقێ راگه‌هاند كو ئه‌و یاریكه‌رێن هه‌تا نوكه‌ د ناڤ هه‌لبژارتیێ ئیراقێ دا لسه‌ر ئاستێ كوڕان و كچان دڤێت پشكداریێ د یاریێن دوماهیێ یا قاره‌مانییا ئیراقێ دا بكه‌ن ئه‌وا دێ ئه‌ڤرۆ پێنجشه‌مبی ل به‌غدایێ هێنه‌كرن، ئه‌گه‌ر پشكدار نه‌بن دێ ژ هه‌لبژارتیێ ئیراقی دا هێنه‌ دوورئێخستن. ژلایه‌كێ دیڤه‌ ژبه‌ركو هه‌ردو خووشكێن ئێك و یاریكه‌رێن تیما یانه‌یا گاره‌ دلین و ڤین كه‌مال یاریكه‌رێن هه‌لبژارتیێ ئیراقێ نه‌ و نه‌شێن پشكداریێ دقاره‌مانیێ دا بكه‌ن بفه‌رمی ناڤێن وان دناڤ لیسته‌یا یاریكه‌رێن هه‌لبژارتیێ ئیراقێ هاتنه‌ دوورئێخستن.
لدۆر ڤی بابه‌تی وئه‌گه‌رێن دوورئێخستنا وان راهێنه‌رێ هه‌ردو خوشكا وبابێ وان كه‌مال جه‌لاله‌دین بۆ رۆژنامه‌یا وار دیاركر و گۆت، هه‌رچه‌نده‌ بڕیاره‌كا گه‌له‌ك نه‌خووش بوو مه‌ دایی كو پشكداریێ د قاره‌مانییا ئیراقێ دا نه‌كه‌ین یا كو بوویه‌ ئه‌گه‌ر ڤین و دلین ژ هه‌لبژارتیێ ئیراقێ بهێنه‌ دوورئێخستن به‌لێ ژ نه‌چاری مه‌ ئه‌ڤ بڕیاره‌ دا ئه‌وژی ژبه‌ر دو ئه‌گه‌ران بوو یا ئێكێ كاودانێن نوكه‌ باژێرێ به‌غدا تێدا دبۆریت بزه‌حمه‌ت بوو پشكداریێ بكه‌ین، یا دووێ مه‌زاختیێ هاتن وچوونێ دا زێده‌تر ژ شیانێن مه‌ بوونه‌ هه‌رچه‌نده‌ ئه‌گه‌ر چووباینه‌ و مه‌ داخوازا هاریكاریێ ژی ژ جیهه‌تێن به‌رپرسكربا دا ده‌م پێڤه‌چیت و ئه‌م نه‌ دگه‌هشتین پشكداربن، له‌ورا ئه‌ڤ ئه‌گه‌ره‌ بوونه‌ رێگر همبه‌ری پشكداریێ.
ژلایه‌كی دیڤه‌ كه‌مال ئه‌وچه‌نده‌ ژی دیاركر كو د هه‌تا دوماهییا سالا2015ێ هه‌ردو خوشك دلین و ڤین نه‌شێن پشكداریێ د گه‌ل هه‌لبژارتیێ ئیراقێ دپشكداریێن ده‌رڤه‌دا بكه‌ن، به‌لێ بۆ سالا بهێت ئه‌گه‌ر كاودان به‌ره‌ڤ باشیێ چوون دێ پشكداریێ د قاره‌مانییا ئیراقی دا كه‌ن ژبۆ زڤڕاندنا جهێ خۆ دناڤ هه‌لبژارتیێ ئیراقێ دا و گۆت ژی، ئه‌ڤه‌ زێده‌تری سێ ساله‌ هه‌ردو خوشك یاریكه‌رێن هه‌لبژارتیێ ئیراقێ نه‌ و شیایینه‌ میدالیێن زێری و زیڤی د قاره‌مانیێن ئه‌ره‌بی و ئاسیایی بده‌ستخۆڤه‌بینن.

بابه‌تێن ب ڤێ مژارێ ڤه‌ گرێدای