بۆچی ئەم مرۆڤ ھەردەم ڕەش بینین؟

دلۆڤان ئەمجەد بارزانی

زۆربەیا مرۆڤان ڕەشبینن بەرامبەر ھەر روویدانەکێ یان کارەساتەکا نەخۆش ب سەرێ مە بھێت دھەر حالەتەکێ دا و کاودانەکێ دا بێ ھزرکرن ئەم مرۆڤ ب ڕەشبینی بڕیارێ ل سەر ددەین و ھزر تێدا دکەین، ئەگەر خۆ تشتەکێ چەندێ بچیك ژی بیت ئەم ھەر ب نەڕینی و ڕەشبینی وەر دگرین و ھزر تێدا دکەین. بۆچی ئەم مرۆڤ گەشبین نابین بەرامبەر ھەر روویدانەکێ و حالەتەکێ نەخۆش دا؟ دا بشێین چارەسەرکرنا ھەر حالەتەکێ یان روویدانەکا نەخۆش ب ساناھی چارەسەر بکەین و ل بەر خۆ زحمەت و گران نەکەین. چونکی ھەر کارەکێ ئەگەر ب ئەرێنی یان گەشبینی وەربگرین دێ چارەسەرکرنا وێ زۆر ب ساناھی بیت و دێ ب دلێ مە چێ بیت، بەڕۆڤاژی ڤێ ئاخفتنێ.  ئەگەر ئەم ب نەڕێنی یان ڕەشبینی بەڕێ خۆ بدەینە ھەرکارەکێ دێ چارەسەرکرنا وێ زۆرا ب زحمەت بیت ھەتا لەوانەیە ئەم نەشێین چارەسەر بکەین. ڕەنگە چارەسەرکرن زۆرا ب ساناھی بیت بەس مە ب وان ھزر و بیرکرنێت خۆ یێت خەلەت و نەڕێنی ئەو کار روویدان یێ لبەر خۆ کڕیە چیایەکێ مەزن و دمێشکێ خۆدا مەزن کری، ئەم بخۆ ب ھزرکرنێت خۆ یێت ڕەشبین دبینە ئەگەرێ سەرنەکەفتن و ل ناڤ چوونا خۆ، لەوما ھەردەم گەشبین بن دا بشێن لسەر ژیانا خۆ زال بن و کۆنتڕۆلا ژیانا وە د دەستێ وە دابیت، ھەمی تشتان ب دلەکێ بەرفڕە و گەشبینانە وەربگرن خۆ ئەگەر ئەو کار یان روویدانا دھێتە پێش ھەوە چەندا گران و زحمەت ژی بیت خۆ ژێ نەترسینن و بھێن فڕە و ھۆشمەندانە ھزر تێدا بکەن. ھەردەم بێژنە خۆ ئەم دێ شێین ھەر کارەکێ ئەنجام بدەین و چارەسەر بکەین، ئەگەر ھەر کەسەکێ باوەرییەکا باش بخۆ و شیانێت خۆ ھەبیت ویێ بھێن فڕەبیت دھەر حالەتەکێ دا یێ زال بیت لسەر ژیانا خۆ پشت راستبن دێ گەھیتە وێ ھیڤیێ ئەوا وی دڤــێــت دێ ھەمی تشت ل دیف حەزا وی کەسی بن. ئەو کەسێ زانا و زیرەك و دانا ئەو کەسەیە یێ ھەردەم گەشبین بەرامبەر ھەر کارەکێ و حالەتەکێ نەخوازراو دژیانا وی دا روویدەت، کەسێن زیرەك و ھۆشمەند ھەمی دەما ب ئەرێنی ھزر دژیانا خۆدا دکەن و بشێوەییەکێ زۆر جۆان و ساناھی ب باوەرییەکا مەزن بجۆ بەرامبەر ھەر تشتەکێ سەردکەڤن. بەس کەسێ نەزان ھەردەم نەرێنی ھزر دھەر کارەکێ دا دکەت و بەڕخۆ گران دکەت باوەری بخۆ و شیانێت خۆ نیە، لەوما د ھەمی ژیانا خۆدا یێ خەمبار و بێ ھێزە چ کارێت خۆدا سەرناکەڤیت چونکێ باوەری بخۆ نیە. بەختەوەرترین و خۆشبەختترین کەس ئەو کەسەیە یێ گەشبین د ژیانا خۆدا. بەدبەخترین و شۆمتڕین کەس ئەو کەسەیە یێ ڕەشبین دژیانا خۆدا. دڤێت ئەم ھەمی مرۆڤ دڤێ جیھانێ دا گەشبین بین دھەر حالەتەکێ دا ب ئەرێنی ھزر بکەین دا بشێین ب بەختەوەری دڤێ ژیانێ دا بین. ژیان زۆرا خۆش و ئارامە بەس ئەگەر ئەم مرۆڤ بەرخۆ نەخۆش نەکەین . ھەردەم ب لایەنێ باشیێ ھزر دھەر کارەکێ دا بکەن ب باشیێ دێ بیە کەسەکێ بەختەوەر، لایەنێ خڕابیێ نەگرە چجارا چونکێ دێ تە بەرەف بەخت ڕەشیێ بەت، بلا باشی و گەشبینی کارێ مەیێ سەرەکی بن.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.