بۆچى د هوساینه‌!

ژێگر سادق

ژیان دیاریه‌كا مه‌زنه‌ ژ ده‌ڤ خودێ بۆ مرۆڤى و  یا گرنگه‌ هه‌ر كه‌سه‌ك بهایێ ڤێ دیاریێ بزانیت، ئه‌گه‌ر نه‌ دێ ل دوماهیكێ گه‌له‌ك په‌شیمان بیت و ئه‌و ده‌مێ ده‌م دچیت و شیان نه‌مینن په‌شیمانى فایده‌ ناكه‌ت.

من دڤێت باس ل هنده‌ك خالێن گرنگ بكه‌م كو ئه‌ڤرۆكه‌ پترییا جڤاكێ مه‌ رۆژانه‌ توش دبیتێ و چه‌ندین ئازاران پێ دبه‌ت وه‌كى نه‌ رێكخستنا ده‌مى كو ئه‌ڤه‌ مه‌زنترین خه‌له‌تیه‌ مرۆڤ توش دبنێ د ژیانا خوه‌ دا یا گرنگه‌ ل ده‌سپێكێ دایك و باب كو مامۆستایێن ئێكێنه‌ دژیانا زارۆكێن خوه‌ دا وان فێرى هندێ بكه‌ن كو ژیان نه‌ ده‌م بۆراندنه‌ به‌لكو دڤێت ئه‌و بزانن كو ژیان ب زه‌حمه‌ترین ئه‌زموونه‌ بۆ هه‌ر ئێكیژمه‌ نه‌ك ژیانه‌كا به‌ره‌لایى یه‌ و بێ به‌رهه‌م، چه‌ندا گرنگه‌ زارۆك ل دیڤ ژیێ خوه‌ كار بكه‌ت ئانكو فێرى كاركرنێ بكه‌یى و به‌رده‌وام وه‌كو مامۆستایه‌كی ل هنداڤى سه‌رێ وى بى بۆ هندێ ئه‌و زارۆك ده‌مێ مه‌زن دبیت كاركرن بۆ وى تشته‌كێ ب ساناهى بیت و كارنه‌كرن و ژ ده‌ستدانا ده‌مى بۆ وى نه‌خوه‌شى و شه‌رمزارى بیت.

ئه‌رێ ئه‌ڤ جڤاكێ هێشتا نه‌شیایى خوه‌ ژ بچووكترین ئاریشه‌ رزگار بكه‌ت یێ ژ هه‌ژى ژیانێ و مانێ یه‌ ب دیتنا من نه‌خێر، ژ به‌ركو هێشتا جڤاكێ مه‌ نزانیت یا باش و خراب چیه‌ هێشتا هوسان هزر دكه‌ت كو كومكرنا پاران باشتره ب هه‌ر شێوه‌یه‌كی بیت باشترین كاره‌‌، ئه‌ڤه‌ ل ده‌مه‌كى جڤاكێن مه‌ده‌نى و پێشكه‌فتى مه‌زاختن و ئینانا پاران ب شێوه‌یه‌كێ راست و درست باشترین كاره‌، د ڤێ هاوكێشێ دا هێشتا ئه‌م جڤاكه‌كێ نه‌زان و پاشڤه‌مایى دهێینه‌ ل قه‌له‌مدان بۆ نموونه‌ ئه‌گه‌ر زه‌نگینه‌كێ ئه‌ورۆپى پاره‌كێ زێده‌ هه‌بن یێ به‌رهه‌ڤه‌ پشكه‌كا پارێ خوه‌ ته‌رخانبكه‌ت بۆ ئاڤاكرنا قوتابخانه‌كێ یان نه‌خوشخانه‌كێ یان درستكرنا كارگه‌هه‌كێ بۆ دانه‌كارى یا ئه‌و گه‌نجێن بێكار، ئه‌رێ ل ڤێره‌ مه‌ چه‌ند كه‌سێن ب ڤى ره‌نگى هه‌نه‌ كو بزانن ئه‌ركێ وانه‌ قوتابخانان و نه‌خوشخانان درست بكه‌ن.

ئه‌گه‌ر به‌رێ خوه‌ بده‌ینه‌ ڤى جڤاكى و چیرۆكا هاڤێتنا گلێشى یا بێ دوماهیكه‌ شۆفێر دێ پیچه‌كێ جاما خوه‌ ئینت خوارێ و به‌رمایكێن خوه‌ هاڤێژیت و دیسان یێ موتێ دخوت و یی دچیته‌ سه‌یرانێ! خو بۆ ڤێ چه‌ندێ چ زانست و پیشكه‌فتن نه‌ڤێن ب تنێ پیچه‌كا به‌رپرسیایه‌تیێ دڤێت دبیت ئه‌و كه‌سێ به‌رمایكێن خوه‌ د هاڤێژیت باش دزانیت كو ئه‌و یێ خه‌له‌ته‌ و نه‌یێ درسته‌! به‌لێ بۆچى دهاڤێژیت، ژ به‌ركو ئه‌و ده‌مێ یێ بچووك دایك و بابا ئه‌و فێرنه‌كرییه‌ كو گلێشى نه‌هاڤێژیت و پاشان ل قوتابخانێ ژى ئه‌و فێرنه‌كرییه‌ و هاڤێتنا گلێشى ل ده‌ڤ وى یا بوویه‌ دیارده‌ و كاره‌كێ درست.

ل دوماهیكێ چه‌ندین خالێن دیتر هه‌نه‌ د گوتارێن بهێت دا دێ ئێك ئێكه‌ ئاماژێ پێ ده‌م، یا گرنگه‌ ئه‌م بها و قه‌درێ ژیانێ بزانینن و مه‌ ئه‌و باوه‌رى هه‌بیت ئه‌و هه‌موو خه‌له‌تیێن دناڤ جڤاكى دا هه‌ین ژناڤ ببه‌ین و به‌ره‌ڤ جڤاكه‌كێ مه‌ده‌نى و پیشكه‌فتى بچین.

 

 

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.