بۆلتۆن: هه‌می بژارده‌ ل دۆر ئیرانێ به‌رده‌ستن

بۆلتۆن: هه‌می بژارده‌ ل دۆر ئیرانێ به‌رده‌ستن

WAAR-دهۆك:

شیره‌تكارێ سه‌رۆكێ ئه‌مریكا هۆشداری دان كو هه‌می بژارده‌ بۆ وان ل به‌رده‌ستن هه‌مبه‌ری هه‌ر زێده‌گاڤییه‌كا ئیرانێ د پیتاندنا یورانیومی دا.
جۆن بۆلتۆنی ئه‌ڤرۆ پشتی گوپیتکا ئاساییشێ یا ئسرائیل، ئەمریکا و رۆسیا ل ئۆرشەلیمێ ب داوی هاتی گۆت: هه‌می بژارده‌ ل سه‌ر مێزێ نه‌ و دێ ئه‌مریكا به‌رسڤه‌كا گونجایی هه‌بیت گه‌ر ته‌هران شاشیه‌كا مه‌ترسیدار بكه‌ت و زێده‌تر ژ ئاستێ دیاركری د رێككه‌فتنا ئه‌تۆمی یا سالا 2015ێ دا پیتاندنا یورانیومی به‌رهه‌م بینیت.
بۆلتۆنی به‌رنامێ ئه‌تۆمی یێ ئیرانێ و چالاكیێن وێ ل رۆژهه‌لاتا ناڤین ب گه‌فه‌كا مه‌زن ل رۆژهه‌لاتا ناڤین ناڤ كر.
هه‌روه‌ها ئاماژه‌ كره‌ سووریێ ژی و گۆت: ئه‌مریكا چ حه‌زێن مه‌زن بۆ مانه‌كا ده‌مدرێژ ل سووریێ نین لێ ئه‌مریكا بزاڤان دكه‌ت هێزێن بیانی ژ وی وه‌لاتی بده‌ربێخیت ب تایبه‌ت هێزێن ئیرانی ژبه‌ركو ئیران ئاریشه‌یه‌ نه‌ بتنێ ل سووریێ به‌لكو ل ئیراق و لوبنان و یه‌مه‌ن و ئه‌فغانستانێ ژی.

بابه‌تێن ب ڤێ مژارێ ڤه‌ گرێدای