بۆته‌فلیقه‌ دێ ده‌ستهه‌لاتێ راده‌ستی سه‌رۆكێ نوو كه‌ت

بۆته‌فلیقه‌ دێ ده‌ستهه‌لاتێ راده‌ستی سه‌رۆكێ نوو كه‌ت

WAAR-دهۆك:

جێگرێ سه‌رۆكێ وه‌زیرێن جه‌زائیرێ سه‌ره‌دانا رۆسیا كر و راگه‌هاند: سه‌رۆكێ وه‌لاتی به‌رهه‌ڤه‌ ده‌ستهه‌لاتا خوه‌ راده‌ستی سه‌رۆكێ نوو بكه‌ت.
ره‌متان له‌عه‌مامره‌، جێگرێ سه‌رۆكێ وه‌زیرێن جه‌زائیرێ د چوارچۆڤه‌یێ سه‌ره‌دانا خوه‌ دا بۆ رۆسیا ل گه‌ل وه‌زیرێ ده‌رڤه‌ یێ رۆسیا سێرگی لاڤرۆڤی كۆم بوو و د كۆنگره‌یێ رۆژنامه‌ڤانی دا گۆت: نها جه‌زائیر د قۆناغه‌كا دیرۆكی دا یه‌ و سه‌رۆك عه‌بدولعه‌زیزی بۆته‌فلیقه‌ ل سه‌ر داخوازییا وه‌لاتییان یا خوه‌ ڤه‌كێشانێ ژ هه‌لبژارتنێن سه‌رۆكاتییێ رازیبوویه‌ و ل ده‌مه‌كێ نێزیك دێ ژڤانه‌كی بۆ هه‌لبژارتنان ده‌ستنیشان كه‌ت، وی ده‌می دێ ده‌ستهه‌لاتا خوه‌ راده‌ستی سه‌رۆكێ نوو كه‌ت.
لاڤرۆڤی ژی گۆت: هنده‌ك ئالییێن ده‌ره‌كی دخوازن ب ده‌ستوه‌ردانێن خوه‌ سه‌قامگیرییا جه‌زائیرێ وه‌كو لیبیا و سووریا تێك بده‌ن، جه‌زائیر وه‌لاته‌كێ خوه‌دان سه‌روه‌رییه‌ و تنێ وه‌لاتییێن وێ مافێ سه‌ره‌ده‌ریكرنێ ل گه‌ل كێشه‌یێن وه‌لاتێ خوه‌ یێن ناڤخوه‌یی هه‌نه‌.

بابه‌تێن ب ڤێ مژارێ ڤه‌ گرێدای