بھایێن پەترۆلێ بلند بوون

WAAR-دهۆك:

بھایێن پەترۆلێ ب رێژەیا سه‌دێ ئێک پۆینت شەش بلند بوون، پشتی نووچەیێن پێشبینیێن درێژکرنا دەمێ رێككه‌فتنا سنۆردار كرنا به‌رهه‌می بەلاڤ بووی.
بھایێ ئێک بەرمیلێ پەترۆلا برێنت گەھشتە پێنجی و ئێک دۆلار و شیست و نەھـ سەنتان و بهایێ ئێك به‌رمیلێ په‌ترۆلا تێكساس ژی سه‌دێ ئێك بلند بوو و گه‌هشته چل و هه‌شت دۆلار و هه‌شتێ و هه‌شت سه‌نتان‌.
وەزیرێن وزەییا رۆسیا و سعوودیێ د بەیانەکا ھەڤپشک دا راگەھاندن؛ ھەردو وەلات دێ بۆ ئەندامێن ئۆپێکێ پێشنیاز کەن کو دەمێ رێككه‌فتنا سنۆردار كرنا بەرھەمێ پەترۆلێ بۆ نەھـ مەھێن دی درێژ بكه‌ن.
بەری بیست و چارێ ڤێ مەھێ رۆسیا و سعوودی دێ گوتوبێژان د گەل هه‌نارده‌كارێن پەترۆلێ کەن بۆ دوپاتکرنا وێ یەکێ کو درێژکرنا دەمێ ریککەفتنا سنۆردار كرنا بەرھەمی بۆ بلندکرنا بھایان گه‌له‌ك گرنگه‌.

بابه‌تێن ب ڤێ مژارێ ڤه‌ گرێدای

1 Comment

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.