بکارئینانا کەسایەتیێن عەشایری د دەنگدانێ دا فێلەکا سیاسیە

بیلال ئیحسان

وەکو یا رۆن و ئاشکه را ل هەلبژارتێن بۆری یێن هەرێما کوردستانێ ب رێژەکا زۆر پارتێن مه یێن هەرێما کوردستانێ پشت بەستن کربوو ل سه ر وان کاندیدێن هێزەک و پشته ڤانیەکا عه شیرەتگری هەی،  بێ لبەرچاڤوەرگرتنا هێز و چالاکیێن وی و بسپۆریا وی، بەلکو تنێ یێ ب ناڤ و ده نگ بیت هەر ئەو چەنده بتنێ بەسه، لەورا ژی مە دیت کا چەند ڤان چار سالێن حوکمرانیێ شکه ستن و لاوازیەکا بەرچاڤ ب ده ست ڤەهات، گەلەک ژ ئەندام پەرلەمانا هەر بتنێ ل دەمێ رێکلاما خوە دکرن مە دیتن و پشتی هینگێ به رزەبوون هەتا بۆ ئێک جار هەر چنە بیت هەما داخویانیەک ژی بۆ تیڤییەکێ نەدان، دڤێت ئەم وەک خەلکێ هەرێما کوردستانێ، باش تێبگەهین و رەوشەنبیریا خوە زێدەکەین د بوارێ هەلبژارتنا ئەندام پەرلەمانان دا، ئەم کاندیدێن خوە لسەر بنەمایێ بسپۆریا د بوارێ رێڤەبرنا دەستهەلاتێ دا هه لبژێرین، بێ لبەرچاڤوەرگرتنا ئاین و رەگەز و عەشیرەت و خزم و خزماتی و مروڤکانێ. براستی یا جهێ حێبەتی و کەنییێ ئەو بوو ل هەلبژارتنێن بوری، دا بینن بە ربژێرێن مە ل تیڤیان، دابێژن دێ خزمەتا فلان عه شیرەتێ کەم و هەر کاندیدەک و عه شیرەتا خوە، واته دەمئ دچیته د پەرلەمانی دا دێ نوونەراتی و خزمەتا عه شیرەتا خوە بتنێ که ت. هەر وەکی نە نوەنەرێ خەلکێ هەرێما کوردستانێ هەمیێ، ب راستی ئەڤ چه ندا هە زۆر یا خەلەته دبیته ئەگەرێ جوداکاری و نه دادپەروەریێ و مفاداربوونا هندەک کەسان لسەر هندەکێن دی، ئەڤجا هیڤی و داخوازێن مە ژ تاکێ کورد ئەوە خوە ژ ڤێ چه ندا هه بپارێزیت و دەمێ بەربژێرەکێ دەست نیشاندکەت بەرژەوندیا مللەتێ خوە و جڤاکێ خوە هەمیێ لبەر چاڤ وەربگریت نەکو یا خوە و عەشیرەتا خوە بتنێ. سەبارەت پارتێن مه یێن هەرێما کوردستانێ، ب راستی هەمی پارتێن مه خودان شیان و بەرنامەنه، بەلێ پارت تەماشەی به رێخودانا جڤاکی دکەت تەماشەی هزر و بیر و تێگەهشتنا جڤاکی دکەت، کا جڤاک ب چ کارتێکەره هنگئ پارت ژی یا نەچاره ل دیڤ وان هزر و تیگەشتن و زانین و رەوشەنبیری و ب وی تشتی یێ جڤاک پێ موعجب سەرەدەریێ بکەت. واته ئەگەر هات و خه لکێ مە رەوشنبیریا خوە پێشئێخست، هنگێ پارت ژی دێ نه چاربن که سێن بسپور و خودان شارەزا و خودان زانین ژبۆ پارتا خوە هەلبژێرن. ل دووماهیێ داخوازا سەرکه فتنێ بۆ هەر خودان ده ستهەلات و خودان وژدان ئەڤێ کو مافێن ڤی ملله تی دپارێزیت، ب تەمامەن ب ئه رکێ خو یێ نوونەراتیێ رابیت، رێزێ ل وان دەنگان بگریت ئەفێن کو خەلکێ ب شەرەفێ کوردستانێ پێداین، ب وان دەنگان کورسیا دەستهەلاتێ وەرگرتی و دەست خوشیێ ل وی دەنگدەری دکم ئەڤێ کو رێزێ ل بهایێ وی دەنگی دگریت و ب وژدان وی دەنگی ددەت کو دبه رژەوەندیا هەمی مللەتی دابیت.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.