بودجه‌یا پێشمه‌رگه‌ی 20% یا بودجه‌یا حه‌شدا شه‌عبی یه‌

بودجه‌یا پێشمه‌رگه‌ی 20% یا بودجه‌یا حه‌شدا شه‌عبی یه‌

WAAR-دهۆك:

سكرتێرێ جڤاتا وه‌زیران هه‌رێما كوردستانێ راگه‌هاند: ئه‌و ده‌رماله‌یێن بۆ پێشمه‌رگه‌ی د پرۆژه‌یاسایا سالا 2019ێ دا هاتینه‌ ته‌رخانكرن، ئێك ل سه‌ر پێنج یا وێ بودجه‌یێ یه‌ ئه‌وا بۆ حه‌شدێ هاتیه‌ ته‌رخانكرن.
ئامانج ره‌حیم ل سه‌ر هه‌ژماره‌یا خوه‌ یا فه‌یسبۆكی نڤیسیه‌: د پرۆژه‌یاسایا بودجه‌یا سالا 2019ێ یا ئیراقێ دا، دو ترلیۆن و بیست و شه‌ش ملیار و حه‌فتسه‌د و چل و پێنج ملیۆن دینار ئانكو مه‌هانه‌ سه‌د و حه‌فتێ ملیار دینار ده‌رماله‌ بۆ حه‌شدا شه‌عبی هاتینه‌ ته‌رخانكرن.
ئاشكه‌را ژی كر: د هه‌مبه‌ر دا ئه‌و ده‌رماله‌یێن بۆ پێشمه‌رگه‌ی هاتینه‌ ته‌رخانكرن دوازده‌ پۆینت شێست و حه‌فت ژ سه‌دێ یا بودجه‌یا هێزێن هشكانی یا ئیراقێنه‌ كو مه‌هانه‌ دبنه‌‌ سیهـ و حه‌فت ملیار دینار ئه‌و یه‌ك ژی هندی بیست ژ سه‌دێ یا بودجه‌یێ یه‌ یاكو بۆ حه‌شدێ هاتییه‌ ته‌رخانكرن، بێ كو چ بودجه‌یه‌ك بۆ ئاماده‌كرن، پرچه‌ككرن و راهێنانێن هێزێن پێشمه‌رگه‌ی بهێنه‌ ته‌رخانكرن.
سكرتێرێ جڤاتا وه‌زیرێن هه‌رێمێ دیاركر ژی: لگۆره‌ی پرۆژه‌یاسایا بودجه‌یێ، هه‌رێم دێ دوازده‌ ژ سه‌دێ یا بودجه‌یێن حه‌شدێ و وه‌زاره‌تا به‌رگریێ دگه‌ل ئاماده‌كرن و پرچه‌ككرنێ ده‌ت، ژ به‌ركو بودجه‌یا هه‌رێمێ پشتی برینا خه‌رجیێن سیادی و سه‌روه‌ری هاتیه‌ حسابكرن.
زێده‌تر به‌لاڤكر: ژ سالا 2005ێ تا 2014ێ هه‌رێمێ هه‌ڤده‌ ژ سه‌دێ ژ بودجه‌یا خوه‌ یا نه‌ته‌مام، مووچه‌یێ وه‌زاره‌تا پێشمه‌رگه‌ی دابین دكر، د ده‌مه‌كی دا ل وان سالان هه‌ڤده‌ ژ سه‌دێ یا بودجه‌یا وه‌زاره‌تا به‌رگرییا ئیراقێ د ستوویێ هه‌رێمێ دا بوو.

بابه‌تێن ب ڤێ مژارێ ڤه‌ گرێدای

كومێنته‌كا نوی دانه‌

لن يتم نشر عنوان بريدك الإلكتروني. الحقول الإلزامية مشار إليها بـ *

Time limit is exhausted. Please reload CAPTCHA.