به‌غدا.. د په‌قینا كۆگه‌هه‌كا چه‌كى دا 30 سڤیل بوونە قوربانی

به‌غدا.. د په‌قینا كۆگه‌هه‌كا چه‌كى دا 30 سڤیل بوونە قوربانی

 

WAAR-دھۆك:

کۆگەھەکا چەک و تەقەمەنییان یا حەشدا شەعبی دوهى ل تاخێ دوورە یێ بەغدایێ پەقی، کەسەک هات کوشتن و بیست و نەهـ ژی برینداربوون.
وه‌زاره‌تا ته‌ندروستى یا ئیراقێ د بەیانەکێ دا راگه‌هاند: دوهى ئێڤارى کۆگەھەکا چەک و تەقەمەنییان یا حەشدا شەعبی ل تاخێ دوورە ل نێزیک قەپانا رەشید ل ناڤەندا بەغدا پەقی و ل گه‌ل زیانێن ماددى یێن مه‌زن، وەلاتییەک هات کوشتن و بیست و نەهێن دی بریندار بوون.
پەیامنێرێ وار ل به‌غدا راگه‌هاند: ژبه‌ر پاراستنا گیانێ وەلاتییان، تا دره‌نگییێن شڤێدى ژى ھێزێن ئێمناھیێ ھاتنوچوون ل تاخێ دوورە قەدەغەکربوو و ژبه‌ر په‌قینا چه‌كان تیمێن بەرگرییا شارستانی ژی به‌رده‌وام بزاڤا کۆنترۆلکرنا ئاگری دكر.
حه‌سه‌ن كه‌عبى جێگرێ ئێكێ یێ سه‌رۆكێ په‌رله‌مانێ ئیراقێ ژى داخواز ژ حكومه‌تێ كر، هه‌موو كۆگه‌هێن چه‌كى ژ ناڤه‌ندێن باژاران ده‌ربێخیت و كۆگه‌هان ل جهه‌كێ تایبه‌ت بده‌نیت، دا كو گیانێ وه‌لاتییان پاراستى بیت.

بابه‌تێن ب ڤێ مژارێ ڤه‌ گرێدای