به‌غدا دێ ترلیۆنه‌ك و 200 ملیاران ره‌وانه‌ى هه‌رێما كوردستانێ كه‌ت

به‌غدا دێ ترلیۆنه‌ك و 200 ملیاران ره‌وانه‌ى هه‌رێما كوردستانێ كه‌ت

وار- دهۆك:

سكرتێرێ ئه‌نجومه‌نێ وه‌زیرێن هه‌رێما كوردستانێ راگه‌هاند، دمه‌ها بهێت دا به‌غدا بۆ مووچه‌ و خه‌رجیێن مه‌هانه‌، دێ پاره‌ى بۆ هه‌رێما كوردستانێ ره‌وانه‌كه‌ت.

دكتۆر ئامانج راحیم سكرتێرێ ئه‌نجومه‌نێ وه‌زیرێن هه‌رێما كوردستانێ بۆ باس راگه‌هاند، ل ده‌ستپێكا مه‌ها بهێت حوكمه‌تا ئیراقێ مه‌هانه‌ دێ گۆژمه‌كێ دیاركرى بۆ هه‌رێما كوردستانێ هنێریت، ئاماژه‌كرژى، ل رۆژا 1/1/2015 به‌غدا رێژه‌یا ئێك ل سه‌ر دوازده‌ ته‌رخانكرییه‌ بۆ بودجه‌یا هه‌رێما كوردستانێ و دێ ره‌وانه‌ى هه‌ولێرێ كه‌ت، كو دبیته‌ ترلیۆنه‌ك و 200 ملیار دینار، تاكو ده‌ست ب خه‌رجكرنا بودجه‌یا سالا 2015 بكه‌ت، هه‌ڤده‌م هه‌رێما كوردستانێ د به‌شێ بودجه‌یا خوه‌ یا ئاسایى وه‌رگریت.

سكرتێرێ ئه‌نجومه‌نێ وه‌زیرێن هه‌رێما كوردستانێ دیاركرژى، د پرۆژه‌ قانوونا بودجه‌یا سالا 2015ێ ئیراقێ دا، پشكا هه‌رێما كوردستانێ 16 ترلیۆن و 532 ملیار دینارن، لێ تا په‌سه‌ندكرنا پرۆژه‌ قانوونێ دێ هێته‌ جێ به‌جێكرن.

وه‌زیرێ درایى ئیراقێ ترلیۆنه‌ك و 200 ملیار دیناران ره‌وانه‌كه‌ت، هه‌ڤده‌م لدۆر دابه‌شكرنا مووچه‌یێ مه‌ها 11 یێ فه‌رمانبه‌رێن هه‌رێما كوردستانێ گۆتژى، دابه‌شكرنا مووچه‌یان كارێ وه‌زاره‌تا درایى یه‌ وان به‌رنامه‌یێ خوه‌ هه‌یه‌ و لده‌مه‌كێ نێزیك دێ هێته‌ ده‌ستپێكرن.

بابه‌تێن ب ڤێ مژارێ ڤه‌ گرێدای