به‌رى هه‌ڤژینیێ، ڤان پرسیاران ژ ئالیێ به‌رانبه‌رى خوه‌ بكه‌

به‌رى هه‌ڤژینیێ، ڤان پرسیاران ژ ئالیێ به‌رانبه‌رى خوه‌ بكه‌

Capture

وار – دهۆک :

هه‌ڤژینى تشته‌كێ جوانه‌ و مرۆڤایەتییەكا مه‌زن تێدایە، لێ هێدى هێدى خه‌لك ژ هزرا پێكئینانا هه‌ڤژینیێ دووردكه‌ڤیت، ژبه‌ركو هه‌ژمارا ئه‌و كه‌سێن د ڤێ پرۆسه‌یێ دا سه‌رنه‌كه‌ڤتین، روو ل زێده‌بوونێ كرییه‌، ئه‌ڤه‌ ژى د راستیێ دا كێشه‌یا هه‌ڤژینیێ نینه‌، به‌لكو كێشه‌یه‌كه‌ د مرۆڤان ب خوه‌ دا، كو ژبه‌ر نه‌پێگه‌هشتییا خوه‌ یان كێمییا زیره‌كییا خوه‌ نه‌شێن د پرۆسه‌یا هه‌ڤژینیێ دا به‌راده‌وامبن و ئه‌و ڤیانا وان پێشتر بۆ ئێكدو هه‌بوویه‌، لده‌ف وان نامینیت.
ل خوارێ 11 پرسیار هاتینه‌ خویاكرن، كو ئه‌و كه‌سا/ێ كو هه‌ڤژینیێ دگه‌ل پێكدئینى، دڤێت بشێى به‌رسڤا وان وه‌ربگرى:
1ــ بۆچی ته‌ ئه‌ز دڤێم؟
ئەو كەسا/ێ كو حه‌زژ ته‌ دكه‌ت، دڤێت بشێت به‌رسڤه‌كا گونجاى بۆ ته‌ بده‌ت، كو باوه‌ریێ بۆ ته‌ چێبكه‌ت. به‌رسڤا ”من تو دڤێى، ژبه‌ركو من تو دڤێى” ئه‌ڤه‌ ئێك ژ خرابترین به‌رسڤانه‌، ژبه‌ركو ئه‌و كه‌سه‌ دڤێت بزانیت بۆچى حه‌زژ ته‌ دكه‌ت و هه‌كه‌ر نوكه‌ نه‌شیا به‌رسڤا ته‌ بده‌ت و باوه‌ریێ بۆ ته‌ چێبكه‌ى، هزر ل وێ ئێكێ بكه‌ د چه‌ندین سالێن داهاتى دا ده‌ما كو پێكڤه‌ ژیێ خوه‌ ده‌ربازدكه‌ن، دێ چاوا شێت وێ پشتراستیێ لده‌ف ته‌ دروستكه‌ت.
2ــ بۆچی ته‌ دڤێت ژیانێ دگه‌ل من ببه‌یه‌ سه‌رى؟
به‌رسڤا ”ژبه‌ركو من تو دڤێى” بۆ ڤێ پرسیارا ته‌ به‌رسڤه‌كا باش نینه‌، ژبه‌ركو ژیان وه‌كو گه‌شته‌كا دوور و درێژه‌ و دڤێت هه‌وه‌ هه‌ر دووان ئێك ئارمانج هه‌بیت و به‌رهه‌ڤبن ئێك رێیێ بگرن، ئه‌وا ته‌ د ژیانێ دا دڤێت، دڤێت هه‌مان ئه‌و تشت یان تشته‌كێ نێزیكى وێ هیڤیا هه‌ڤژینا ته‌ یا پاشه‌رۆژێ بیت.
3ــ ئایا ئه‌وا د شیانێن ته‌ دا بیت، دێ كه‌ى داكو رۆمانسییه‌تا د ناڤبه‌را مه‌ دا ب ساخى بمینیت؟
مانا رۆمانسییەتا لناڤبه‌را هه‌وه‌ ب ساخى و بۆ هه‌تا هه‌تایێ كاره‌كێ ب ساناهى نینه‌، ئه‌ڤه‌ تشته‌كێ ده‌روونییه‌ و ب زه‌حمه‌ته‌ بۆ هه‌یامه‌كا دوور و درێژ ئه‌و كه‌سا/ێ هه‌ڤژینا/ێ ته‌ بیت، ب ڤى ئاواى رۆمانسى بیت، له‌و دڤێت ئه‌و به‌رهه‌ڤییه‌ تێدا بیت و ساخهێلانا وێ رۆمانسییه‌تێ بكه‌ته‌ ئێك ژ تشتێن سه‌ره‌كیێن د ناڤبه‌را هه‌وه‌ دا.
4ــ ئایا تو دێ هه‌تا دووماهیێ د گه‌ل من دا بى؟
پترییا ئه‌و كه‌سێن، كو ب ئاوایه‌كێ خراب هه‌ڤژینییا وان ب دووماهى دهێت، ئه‌و كه‌سه‌نه‌ كو ب ده‌ربازبوونا ده‌مى، ژ هه‌ڤژینێن خوه‌ دووردكه‌ڤن، ژبه‌ركو وه‌سا دبینن وان هه‌موو تشته‌ك پێكڤه‌ كرینه‌ و چو نه‌مایه‌ بكه‌ن. پێدڤییه‌ خه‌لك بزانیت كو هه‌ڤژینى دووماهى نینه‌، بله‌كو ده‌ستپێكه‌.
5ــ ئایا تو به‌رهه‌ڤى د ده‌مێن نه‌خوه‌ش دا دگه‌ل من بمینى؟
ده‌ما كو بڕیارێ دده‌ى، ببییه‌ هه‌ڤژن بۆ كه‌سه‌كى، دڤێت بڕیارێ ژى بده‌ى كو هه‌تا دووماهییا ژیانا خوه‌ دگه‌لدا بى، ده‌ربازكرنا ده‌مێن خوه‌ش دگه‌لدا ب ساناهییه‌، لێ ده‌مێ نه‌خوه‌ش ده‌ما كو تراژیدیایەك روودده‌ت، ئه‌ڤه‌یا ب زه‌حمه‌ته‌ و دڤێت هه‌كه‌ر ته‌ بڕیاردایه‌ دگه‌ل كه‌سه‌كێ/ى بمینى، نابیت رێیێ ب چو تشته‌كى بده‌ى ئازارێ پێ بگه‌هینیت.
6ــ ئایا دێ شێى د ده‌مێن شه‌ڕه‌ده‌ڤان دا بێده‌نگبى، داكو بشێین به‌رده‌وامبین؟
كلیلا هه‌ڤژینییه‌كا سه‌ركه‌ڤتى ئه‌وه‌ تو هه‌ر چه‌ند كه‌سه‌ك بى كو حه‌زژ سه‌ركه‌ڤتنێ بكه‌ى، دڤێت به‌رهه‌ڤبى هنده‌ك جاران د شه‌ڕێن هه‌وه‌ دا بێده‌نگبى و رێیێ بكه‌ى هه‌ڤژینا/ێ ته‌ وێ گه‌نگه‌شه‌یێ ببه‌ته‌ڤه‌، ژبه‌ركو شه‌ڕ و گه‌نگه‌شه‌ نه‌خوه‌شتره‌. ئه‌وا كو دڤێت بزانى ژى، ئه‌وه‌ كو پترییا شه‌ڕان لسه‌ر وێ ئێكێ نینه‌ كا كى هه‌قه‌، به‌لكو لسه‌ر هزرێن هه‌وه‌نه‌ و دبیت ژى ئه‌و بۆچوونه‌ راستبیت یان شاش.
7ــ دێ شێى سۆزا وێ ئێكێ كو ئه‌و به‌رده‌وام گرنگترین بم لده‌ف ته‌؟
دڤێت هه‌ڤژینا/ێ ته‌ ژ وێ ئێكێ پشتراستبیت كو ژیان كورته‌ و ئه‌و دشێت ب تنێ بدووڤ چه‌ند تشته‌كێن كێم ڤه‌ بیت، هه‌موو تشته‌ك د ژیانێ دا بده‌ست ڤه‌ناهێن، تو ژى دڤێت ئێك ژ وان تشتان بى كو به‌رده‌وام گرنگترینن د ژیانا وى/وێ دا.
8ــ ئایا دێ بییه‌ دایك/بابه‌كێ باش بۆ زاڕۆیێن من؟
هنده‌ك تشت هه‌نه‌، هه‌وجه‌یى ب هزركرنا زێده‌ نینه‌، ب تنێ بڕیردان دڤێت، ئه‌و كه‌سا/ێ هه‌ڤژینیێ دگله‌ پێكدئینى، دڤێت بڕیارا وێ ئێكێ دا بیت كو ئه‌و دێ بیته‌ هه‌ڤژینه‌ك باش و باب/دایكه‌كا باش بۆ زاڕۆیێن ته‌.
9ــ ئایا ب به‌رده‌وامى دێ ل بیرا من ئینى كو چه‌ند حه‌زژ من دكه‌ى؟
چو ڤیانه‌ك هه‌تا دووماهیێ به‌رده‌وام نابیت، له‌و بۆ پشتراستكرنا هه‌ڤژینا/ێ خوه‌ بۆ وێ ئێكێ كو ب به‌رده‌وامى بێژیێ من تو گه‌له‌ك دڤێى و نیشاندانا وێ ڤیانێ ب رێیا كارێ ته‌، ئێكه‌ ژ گرنگترین بنه‌مایێن هه‌ڤژینییه‌كا سه‌ركه‌ڤتى.
10ــ ئایا تو به‌رهه‌ڤى خه‌رجییا ژیانێ ل من بكه‌ى، هه‌ر من شیان نه‌بوون؟
ئه‌ڤه‌ ئێكه‌ ژ پرسیارێن گرنگ و دڤێت هه‌ڤژینا/ێ ته‌ به‌رهه‌ڤییا ڤێ ئێكێ تێدا هه‌بیت، كو خه‌رجییا ژیانا هه‌وه‌ هه‌ر دوویان بكه‌ت و ئاگه‌هـ ژ خێزانا هه‌وه‌ هه‌بیت. ده‌ام تو بێكار و بێهێزى، دڤێت هند هێز هبه‌یت، كو ل شوونا هه‌وه‌ هه‌ردووان بزاڤێ بكه‌ت، هه‌تا كو بهێز دبییه‌ڤه‌ و لسه‌ر پێن خوه‌ راده‌وه‌ستییه‌ڤه‌.
11ــ دێ سۆزێ ده‌ى بزاڤێ بۆ هیڤى و خواستێن خوه‌ بكه‌ى؟
دڤێت پێخه‌مه‌تى هه‌ڤژینییه‌كا سه‌ركه‌ڤتى ژ هنده‌ك تشتان دووربكه‌ڤى، لێ هنده‌ك تشتێن وه‌كو وان خه‌ون و هیڤیێن مه‌ بۆ ژیانا خوه‌ هه‌نه‌، ب چو ره‌نگه‌كى د دل و ده‌روونێ مه‌ دا ده‌رناچن و پێدڤییه‌ بزاڤا بجهئینانا وان بكه‌ین، داكو بشێین به‌رده‌وامبین و هه‌ڤژینا/ێ خوه‌ ب تێكدانا ژیانا خوه‌ تۆمه‌تبار نه‌كه‌ین د دووماهیێ دا و ل چو تشته‌كى لێڤه‌نه‌بین.

بابه‌تێن ب ڤێ مژارێ ڤه‌ گرێدای