به‌ره‌یا توركومانی: هاتنا پێشمه‌رگه‌ی بۆ كه‌ركووكێ ره‌تدكه‌ین

به‌ره‌یا توركومانی: هاتنا پێشمه‌رگه‌ی بۆ كه‌ركووكێ ره‌تدكه‌ین

WAAR-دهۆك:

سه‌رۆكێ به‌ره‌یا توركومانی راگه‌هاند؛ هاتنا هێزێن پێشمه‌رگه‌ی ب هه‌ر به‌هانه‌یه‌كێ بۆ كه‌ركووك و ده‌ڤه‌رێن دی ره‌د دكه‌ن.
د راگه‌هاندنه‌كێ دا ئه‌رشه‌د سالحی، سه‌رۆكێ به‌ره‌یا توركومانی گۆت: ئه‌و پێشوازییێ ل پێشڤه‌چوونا په‌یوه‌ندییێن هه‌ولێر و به‌غدایێ و چاره‌كرنا كێشه‌یێن هه‌لاویستی دكه‌ن، لێ نابیت ڤه‌گه‌ریانا پێشمه‌رگه‌ی ب چاره‌كرنا كێشه‌یان ڤه‌ بهێته‌ گرێدان و به‌ره‌یا توركومانی ڤه‌گه‌ریانا پێشمه‌رگه‌ی ب هه‌ر به‌هانه‌یه‌كێ بۆ كه‌ركووك و ده‌ڤه‌رێن دی ره‌د دكه‌ت.
گۆت ژی: عادل عه‌بدولمه‌هدی سه‌رۆكوه‌زیرێ ئیراقێ، ل هه‌مبه‌ر به‌رپرسیارییه‌كا دیرۆكی یه‌ و نابیت رێ ب ڤه‌گه‌ریانا پێشمه‌رگه‌ی بده‌ت.
ئه‌ڤه‌ د ده‌مه‌كی دا یه‌، كو هه‌ولێر و به‌غدا د دانوستاندنان دانه‌ و رێككه‌فتنه‌كا ده‌ستپێكی بۆ ڤه‌گه‌ریانا هێزێن پێشمه‌رگه‌ی و دانانا سه‌ربازگه‌هێن هه‌ڤپشك ل ده‌ڤه‌رێن كوردستانی، هاتییه‌ كرن.

بابه‌تێن ب ڤێ مژارێ ڤه‌ گرێدای