WAAR-دهۆك:
هه‌لبژارتییێ به‌رازیلێ سه‌ركه‌ڤتنه‌كا بساناهی لسه‌ر هه‌لبژارتییێ سلڤادور تۆماركر ب پێنج گۆلان بێ به‌رامبه‌ر دیاریكرنه‌كا هه‌ڤالینی دا ئه‌وا ل ئه‌مریكا هاتییه كرن . هه‌ر لده‌ستپێكا یارییێ به‌رازیل پێشكه‌ڤت ده‌مێ ل خۆله‌كا سێیێ كاپتنێ وێ نێیمار داسێلڤای ب په‌نه‌لتییێ گۆلا ئێكێ تۆماركری، و ل خۆله‌كا 16 هێرشبه‌رێ یانه‌یا تۆتنهام یا ئنگلیزی ریچارلیسونی گۆلا موكومكرنا پێشكه‌ڤتنێ ئینا، و ل خۆله‌كا 30 ستێرا به‌رشه‌لۆنا فیلیپ كوتینیوی ب پاسه‌كا نێیماری جوداهی بۆ سێ گۆلان زێده‌كر، پشتی بۆرینا پێنج خۆله‌كان ژ ده‌ستپێكرنا نیڤا دووێ ریچارلیسۆن ڤه‌گه‌ریا و گۆلا خۆ یا دووێ و یا چارێ بۆ هه‌لبژارتییێ سامبایێ ئینا، و ل خۆله‌كا 90 ماركینیوسی بسه‌ری ژ كورنه‌رێ گۆلا پێنجێ و داوییێ تۆماركر.
