بهێزترین جۆرێ کوژەرێ ئێشانێ دێ ژ ژەھرا تەڤنپیرکان ھێتە ئامادەکرن

بهێزترین جۆرێ کوژەرێ ئێشانێ دێ ژ ژەھرا تەڤنپیرکان ھێتە ئامادەکرن

وار – دهۆک :

د ڤەکۆلینەکا نوودا کو زانایان ڤەکۆلین لسەر ھژمارەیێن مەزن ژ مادەیێن کیمیایی یێن ھەیی دناڤ پێکھاتەیا ژەھرا تەڤنپیرکان، دیارکرن کو شیان دەستێ خوە بگەھیننە 7 پێکھاتەیان کو شیانێن راوەستاندنا پێنگاڤێن ڤەگۆھاستنا ئێشانێ بۆ مێشکی ھەنە.
د ڤەکۆلینێدا، یا کو د ژڤاندایە ببیتە دەرگەھەک بۆ بەھەمئینانا بەرھەمێن نوو ژ کوژەرێن ئێشانێ یێن بھێز، زانایا تەکەز کرە سەر 206 جورێن تەڤنپیرکان، و د پێکھاتەیێن ژەھرا وان دا گەریان بۆۆ دەستنیشانکرنا وان پێکھاتەیان یێن کو دشێن ئێشانێن لەشی ب رەنگەکێ بھێز راوەستینن، د ھەمان دەمدا ڤەکۆلینێ دا خۆیاکرن کو سەرانسەری جیھانێ ئێک ژ پێنج کەسان ئێشانێن دۆمدرێژ لدەف وان ھەنە، یێن کو کوژەرێن ئێشانێ مفا ل وان نە کرین و پێدڤی ب جورەکێ نوو یێن دەرمانان ھەنە دا کو کونترۆلێ لسەر ئێشانا خوە بکەن.
ھەژی گوتنێ ئێشانێن دۆمدرێژ کارتێکرنا خوە لسەر ئابوورێ وەلاتی ژی ھەیە، ھەروەکی یا دیار ساڵانە ویلایەتێن ئێکگرتی یێن ئەمریکی نزیکی 600 ملیار دولاران بۆ کوژەرێن ئێشانێ د مەزێخیت.
مرۆڤ ھەست ب ئێشانێ دکەت دەما کو نیشاندەرێن ئێشانێ ژ دەڤەرەکا لەشی دھێتە ڤەگۆھاستن بۆ مێشکی د رێکێن دەستنیشانکریدا، و ھەر ئەڤە رێکەنە یێن کو ڤەکۆلەر تەکەزێ لسەر دکەن بۆ بەرھەمئینانا دەرمانێن نوو کو کونترۆلێ لسەر ئێشانێ بکەن.
“گلین کینگ”؛ بەرپرسێ ئەڤێ ڤەکۆلینێ ل زانکۆیا “کوینزلاند” ل وەلاتێ ئوسترالیا، دیارکر کو ئەو گرنگییێ ب دەرمانەکێ ددەن کو د شیاندا بیت رێکێ ل ڤەگۆھاستنا ئێشانێ بگریت و کاری لسەر ئەڤان رێکێن ڤەگۆھاستنێ بکەت.
بەشەکێ ڤەکۆلینێ تەکەز لسەر دروستکرنا دەرمانان کر ژ ژەھرا تەڤنپیرکان یێن کو ھژمارا وان ل جیھانێ دگەھیتە 45 ھزار جوران، یێن کو دشیاندایە مرۆڤی بکۆژیت ب ژەھرا خوە ئەگەر ھات و نەھێنە چارەکرن، و د وێ ھیڤییێ دا بوون کو بشێن ھندەک پێکھاتەیان ژێ وەربگرن و بکاربئینن بۆ راوەستاندنا ڤەگۆھاستنا ئێشانێ بۆ مێشکی.
ڤەکۆلەران ب کێمی ڤەکۆلین لسەر 206 جوران ئەنجامدان، و دیاربوو کو 40% ژ وان خودان ئێک پێکھاتەیە یا کو دشێت ببیتە ئاستەنگ د ڤەگۆھاستنا ئیشانێدا بۆ مێشکی.
لدۆر 7 پێکھاتەیێن کو ئەو شیاین دەستێ خوە بداننە سەر، ڤەکۆلەران گوت کو ئێک ژ وان خوەدان شیانەکا مەزنە و ھەروەکی یا دیار یا ئێمنە ژ لایێ کارتێکرنێن کیمیایی و گەرمی و بایولۆژی و ب ڤێ رەنگێ دشێت بھێتە بکارئینان وەک دەرمانەکێ کارا و بێ مەترسی.
“جولی کای کلینت” یا کو ھەڤپشکییا “کینگ”ێ کری د ڤەکۆلینێدا دیارکر کو دەستنیشانکرنا ڤی مادەی وەک ژێدەرەکێ سەرەکی بۆ بەرھەمئینانا دەرمانێن کوژەرێن ئێشانێ دشێت ببیتە ئومێدەک بۆ ڤەدیتنا ھندەک جورێن باش بۆ نەھێلانا ئێشانێ ب تایبەت دەف وان کەسان یێن خوەدا نەخوەشییێن پەنجەشێری.

بابه‌تێن ب ڤێ مژارێ ڤه‌ گرێدای