بسپۆره‌كێ ئه‌مریكی: بهایێ پترۆلێ دێ گه‌هیته‌ 70 دۆلاران

بسپۆره‌كێ ئه‌مریكی: بهایێ پترۆلێ دێ گه‌هیته‌ 70 دۆلاران

وار – دهۆک :

شاره‌زایێ لێكۆلینێن تێهنێ راگه‌هاند؛ ل ده‌ستپێكا مه‌ها گولانا ئه‌ڤ ساله‌، بهایێ پترۆلێ دێ به‌ره‌ڤ زێده‌بوونێ چیت و پێشبینی دكه‌ت بگه‌هیته‌ 70 دۆلاران.
ژولیۆس ۆلكێر، شاره‌زایێ لێكۆلینێن تێهنێ ل ناڤه‌ندا جی بی سی یا ئه‌مریكی دیاركر؛ هه‌بوونا یه‌ده‌گه‌كێ مه‌زنێ پترۆلێ ل ئه‌مریكا و دانوستاندنێن وه‌لاتێن رۆژئاڤا و ئیرانێ، كاریگه‌ری ل سه‌ر بهایێ پترۆلێ هه‌یه‌ و چاڤه‌رێیه‌ ژ به‌ر یه‌ده‌گێ خوه‌یێ مه‌زنێ پترۆلێ، ئه‌مریكا به‌رهه‌مئینانا پترۆلا خوه‌ راگریت و پترۆلا خوه‌یا یه‌ده‌گ، بفرۆشیت.
دیارژی كرییه‌؛ ئه‌ڤه‌ دێ كاریگه‌ریه‌كا باش ل زێده‌بوونا بهایێ پترۆلێ كه‌ت و چاڤه‌رێیه‌ د چه‌ند مه‌هێن ده‌ستپێكی یێن نیڤا دووێ یا ئه‌ڤ ساله‌دا، بهایێ به‌رمیلا پترۆلێ بگه‌هیته‌ 70 دۆلاران.

بابه‌تێن ب ڤێ مژارێ ڤه‌ گرێدای