بزاڤا پێكئینانا حكوومه‌ته‌كا نوو بۆ ئسرائیلێ به‌رده‌وامه‌

بزاڤا پێكئینانا حكوومه‌ته‌كا نوو بۆ ئسرائیلێ به‌رده‌وامه‌

WAAR-دهۆك:

ئالیێن سیاسی ل ئسرائیلێ ئه‌ڤرۆ ده‌ست ب بزاڤێن پێكئینانا كابینه‌یا نوو یا حكوومه‌تێ كر و وه‌زیرێ به‌رێ یێ به‌رگریێ ره‌ت كر پشته‌ڤانیا چ ئالیان بۆ سه‌رۆكوه‌زیریێ بكه‌ت.
ل حه‌فتیا بووری هه‌لبژارتنێن گشتی ل ئسرائیلێ هاتن كرن و ل گۆره‌ ئه‌نجامان هه‌ڤپه‌یمانیا شین و سپی یا بێنی گانتزی 33 كورسی ژ 120 كورسیێن په‌رله‌مانی بده‌ستڤه‌ ئینان، پارتیا لیكۆد یا هه‌ڤركێ وی بنیامێن نه‌ته‌نیاهۆی 31 كورسی برن، وێ یه‌كێ ژی ده‌لیڤه‌یا نه‌ته‌نیاهۆی بۆ پێكئینانا حكوومه‌تا بهێت لاواز كرییه‌.
ئه‌ڤیگدۆر لیبه‌رمان، وه‌زیرێ به‌رێ یێ به‌رگریا ئسرائیلێ كو كاریگه‌ریه‌كا مه‌زن هه‌یه‌ ئه‌ڤرۆ ره‌ت كر ئه‌و پشته‌ڤانیا چ كه‌سه‌كی بۆ سه‌رۆكوه‌زیریێ بكه‌ت.
ژ ئالیێ خوه‌ ڤه‌ رۆڤێن ریڤلین سه‌رۆكێ ئسرائیلێ كو به‌رپرسه‌ ژ راسپاردنا كه‌سه‌كی بۆ پێكئینانا حكوومه‌تێ گۆت: حكوومه‌ته‌كا جێگیر پێدڤیه‌ پارتیا لیكۆد و هه‌ڤپه‌یمانیا شین و سپی بخوه‌ڤه‌ بگریت.

بابه‌تێن ب ڤێ مژارێ ڤه‌ گرێدای