بریتانیا پرسا کەشتیا خوە د گەل ئەلمانیا و فرەنسا باس کر

بریتانیا پرسا کەشتیا خوە د گەل ئەلمانیا و فرەنسا باس کر

WAAR-دهۆك:

وەزیرێ دەرڤە یێ بریتانیا پرسا گرتنا کەشتیا وان ژ ئالیێ ئیرانێ ڤە د گەل ھەڤکیڤێن خوە یێن فرەنسی و ئەلمانی گۆتوبێژ کر.
وەزارەتا دەرڤە یا بریتانیا راگەھاند؛ جێریمی ھانت ب رێیا تێلەفۆنی پرسا گرتنا کەشتیێ ل ئاڤتەنگا ھورمز د گەل ھایکۆ ماس و جان ئێف لۆدریان باس کریە و ھەر سێ وەلات رێککەفت کار ل سەر ئێمناھی و ئازادیا ھاتنوچوونا کەشتیێن خوە د ئاڤا کەنداڤی دا بکەن.
وەزارەتا دەرڤە یا بریتانیا دیار ژی کر کو ھەرسێ وەزیر رێککەفتن پاراستنا کەشتیێن بازرگانی ل کەنداڤی دێ گرنگترین گاڤا وان بیت و د ھەمان دەم ژی دا دێ خوە ژ ھەر جورە ئالۆزیەکێ ژی دوور کەن.
ھانت سوپاسیا فرەنسا و ئەلمانیا کر کو پشتەڤانیا بریتانیا کریە د ڤێ پرسێ دا و لۆدریان و ماس ژی گرتنا کەشتیا بریتانی ژ ئالیێ ئیرانێ ڤە شەرمزار کر.

بابه‌تێن ب ڤێ مژارێ ڤه‌ گرێدای