بریتانیا و ئەورۆپا ل سەر رەشنڤیسێ بریکزێتێ رێک کەفتن

بریتانیا و ئەورۆپا ل سەر رەشنڤیسێ بریکزێتێ رێک کەفتن

WAAR-دهۆك:

ئێکەتییا ئەورۆپا و بریتانیا ل سەر رەشنڤیسێ رێککەفتنا بریکزێتێ پێک هاتن و پەرلەمانێ بریتانیا ل رۆژا شەمبییا بهێت، دێ دەنگی ل سەر دەت.
میشێل بارنیێر، سەرۆکێ شاندا دانوستاندکار یا ئێکەتیا ئەورۆپا بۆ بریکزێتێ، راگەهاند، وەلاتێ ئەورۆپی و بریتانیا ل سەر رەشنڤیسێ رێککەفتنێ پێک هاتینە و د رەشنڤیسی دا چەوانییا دەرکەفتنا بریتانیا و چارچووڤەیێ پەیوەندیێن پاشەرۆژێ هاتینە دیارکرن.
دەربارەی رەشنڤیسی، بۆریس جۆنسۆن، سەرۆکوەزیرێ بریتانیا دیار کر، پەرلەمانێ بریتانیا ل رۆژا شەمبیا بهێت دێ دەنگی ل سەر رەشنڤیسی دەت و وی باوەری هەیە پەرلەمان دێ رەشنڤیسی پەسەند کەت.
ناڤەرۆکا رەشنڤیسێ رێککەفتنێ تا نها نەهاتییە راگەهاند، لێ گەر تا سیهی ڤێ مەهێ چ رێککەفتن نەهێنە کرن، پێشبییەکا مەزن هەیە بریتانیا بێی رێککەفتن ژ ئێکەتییا ئەورۆپا دەربکەڤیت.

بابه‌تێن ب ڤێ مژارێ ڤه‌ گرێدای