بریتانیا و ئێکەتییا ئەورۆپا رێککەفتنەکا نو یا برێکزتێ ئیمزا کر

بریتانیا و ئێکەتییا ئەورۆپا رێککەفتنەکا نو یا برێکزتێ ئیمزا کر

WAAR-دهۆك:

بریتانیا و ئێکەتییا ئەورۆپا رێککەفتنەکا نو یا برێکزتێ ئیمزا کر و ژڤانێ جودابوونێ ژی دێ داویا ڤێ مەھێ بیت.
ئێکەتییا ئەورۆپا شڤێدی پشتی دانوستاندنێن برێکزتێ و گۆتوبێژکرنا پێشنیازێن نوو د گەل بۆریس جۆنسۆن، سەرۆکێ وەزیرێن بریتانیا د گۆپیتکا برۆکسلێ دا د بەیانەکێ دا راگەھاند؛ ھەردو ئالی گەھشتە رێککەفتنەکا نوو یا برێکزتێ و گەر پەرلەمانێ بریتانیا ل سەر رازی بوو، ئەو وەلات دێ ل رۆژا 31ێ ڤێ مەھێ ب فەرمی ژ ئێکەتییا ئەورۆپا جودا بیت.
دۆنالد تۆسک، سەرۆکێ جڤاتا ئەورۆپا گۆت: رێککەفتا نوو ژ بۆ خەلکێ ھەر 27 وەلاتێن دی یێن ئەندام یا باشە، ژ بەرکو ئێکرێزیا بازارێ ئەورۆپا د پارێزیت.
ژ ئالیێ خوە ڤە ژی جان کلۆد یۆنکەر، سەرۆکێ کۆمسیۆنا ئەورۆپا گۆت: رێککەفتنا نوو ئاشتی و ئارامیێ د گراڤا ئێرلەندا و بازارێ ئەورۆپا دا پەیدا دکەت و قوناغا ڤەگوھاستنێ ژی دێ تا سالا 2020ێ بیت.

بابه‌تێن ب ڤێ مژارێ ڤه‌ گرێدای