بریتانیا: دڤێت چالاكییێن ئیرانێ ل ده‌ڤه‌رێ رابوه‌ستن

بریتانیا: دڤێت چالاكییێن ئیرانێ ل ده‌ڤه‌رێ رابوه‌ستن

WAAR-دهۆك:

وه‌زیرێ ده‌رڤه‌ یێ بریتانیا خواست چالاكییێن ئیرانێ ل ده‌ڤه‌رێ رابوه‌ستن و راگه‌هاند: دڤێت رێ بۆ ئه‌نجامدانا دانوستاندنان بهێته‌ خوه‌شكرن.
وه‌زیرێ ده‌رڤه‌ یێ بریتانیا جێرێمی هانتی د روونشتنا ئه‌ڤرۆ یا په‌رله‌مانێ وه‌لاتێ خوه‌ دا گۆتاره‌ك ده‌رباره‌ی ره‌وشا نها یا كه‌نداڤی خواند و تێدا گۆت: چالاكییێن تێكده‌رانه‌ یێن ئیرانێ ل یه‌مه‌ن، لوبنان، ئیراق و سووریا مه‌ترسی ل سه‌ر سه‌قامگیرییا ده‌ڤه‌رێ دروست كرییه‌ و تاكه‌ چاره‌ بۆ وێ كێشه‌یێ راوه‌ستاندنا وان چالاكییانه‌.
هانتی گۆت ژی: چ ئالی شه‌ری ناخوازن و دڤێت رێ بۆ ئه‌نجامدانا دانوستاندنان بهێته‌ خوه‌شكرن.

بابه‌تێن ب ڤێ مژارێ ڤه‌ گرێدای