بریتانیا.. برێکزت بۆ جارا چارێ دێ کەڤیتە بەر دەنگدانێ

بریتانیا.. برێکزت بۆ جارا چارێ دێ کەڤیتە بەر دەنگدانێ

WAAR-دهۆك:

رێککەفتنا برێکزتێ دیسان ل مەھا بھێت ل پەرلەمانێ بریتانیا پشتی 3  جارێن رەتکرنێ، دێ کەڤیتە بەر دەنگدانێ.
پەیڤدارێ حکومەتا بریتانیا راگەھاند؛ تیرێزا مەیی، سەرۆکا وەزیران د گەل جێریمی کۆربین، سەرۆکێ پارتیا کارکەران یا ئۆپۆزسیۆن کۆم بوویە و ب نیازە ل رۆژا 3ی مەھا خزیرانێ، بۆ جارا چارێ رێککەفتنا برێکزتێ یا د گەل ئێکەتییا ئەورۆپا ئیمزا کری، ل پەرلەمانی بێخیتە بەر دەنگدانێ، لێ چ پێشبینیێن وەھا نینن کو پەرلەمانتار ل سەر رازی ببن.
پشتی زێدەتر ژ 3  سالان ل سەر رێفراندۆما برێکزتێ و دانوستاندنێن د گەل ئێکەتییا ئەورۆپا، ژڤان بۆ بریتانیا ل رۆژا 29ێ مەھا ئادارێ ژ ئێکەتیێ دەرکەڤیت، لێ تا نھا ئەو رێککەفتنە د ناڤا بریتانی دا نەھاتیە پەسەندکرن.
سەرۆک وەزیرا بریتانیا ژی بزاڤان دکەت ئۆپۆزسیۆنا وەلاتێ خوە رازی بکەت و سۆز ژی دایە، گەر بھێتە پەسەندکرن، دەستان ژ پۆستێ خوە بەردەت.

بابه‌تێن ب ڤێ مژارێ ڤه‌ گرێدای